ગુજરાતના આ સૌથી મોટા આર્ટ એક્ઝિબિશનમાં કલાકારોને કળા પ્રદર્શિત કરવાની અમૂલ્ય તક મળશે જેની એન્ટ્રી નિ:શુલ્ક રહેશે. કલાકારોએ મહિનાઓ વર્ષોની મહેનત સાથે ઓઈલ પેન્ટિંગ, એક્રેલિક પેન્ટિંગ દ્વારા કળાને કેનવાસ પર ઉતારવાનો અદ્ભુત પ્રયાસ કર્યો છે. તેમ આજકાલની મુલાકાતે આવેલા આયોજક શ્રદ્ધા રાયચુરાએ જણાવ્યું હતું

૧૩૦થી વધુ આર્ટિસ્ટ અદ્ભુત કળાનું કૌશલ દર્શાવશે

આર્ટ -ફીએસ્ટા આર્ટિસ્ટોને કલા ઉજાગર કરવા માટે એક મંચ પૂરું પડશે જેમાં ૧૩૦થી વધુ આર્ટિસ્ટ પોતાની અદ્ભુત કલાનું કૌશલ દર્શાવશે. આ આર્ટ ફીએસ્ટામાં આર્ટિસ્ટો પેન્ટિંગ ઉપરાંત વિવિધ આર્ટ દ્વારા બનાવાયેલ હેન્ડ મેડ પ્રોડક્ટ પણ રજુ કરશે. જેમાં લીપણ આર્ટ, રેઝીન આર્ટ, સ્ટ્રીંગ આર્ટ, ક્રોશેટ આર્ટ, કલે આર્ટ, વગેરેનો સમાવેશ થાય છે. જે કલાકારો દ્વારા છ-છ મહિનાની સખત મહેનત દ્વારા બનાવવામાં આવેલ છે.

પેન્ટિંગ ઉપરાંત આકર્ષક હેન્ડ મેડ પ્રોડક્ટ

કલાકારો દ્વારા પેન્ટિંગ ઉપરાંત આકર્ષક હેન્ડ મેડ પ્રોડક્ટ પણ બનાવવામાં આવી છે. કેમિકલથી બનતા રેઝીન આર્ટ દ્વારા વિવિધ કીચેઈન, ફ્રેમ, ક્રોશેટ આર્ટ દ્વારા સોફ્ટ ટોયઝ, ફ્લાવર્સ, સ્ટ્રીંગ આર્ટ એટલેકે દોરા અને ખીલી દ્વારા અદ્ભુત ચિત્રો બનાવવામાં આવ્યા છે.