જામનગર સીટી-સી ડીવીઝન પોલીસ સ્ટેશને એક જાગૃત નાગરીક તેઓની સાથે એક નાના બાળક લઇને આવેલ અને જણાવેલ કે તેમને બાળક જેની ઉમર આશરે ત્રણેક વર્ષની હશે તે મહાકાળી સર્કલ પાસે આવેલ સ્મશાનની જગ્યામાં એકલુ મળી આવેલ છે.
આ બાબતે જામનગર જીલ્લા પોલીસ અધિક્ષક પ્રેમસુખ ડેલુની સુચના અને નાયબ પોલીસ અધિક્ષક શહેર વિભાગ જયવીરસિંહ ઝાલાના માર્ગદર્શન હેઠળ સીટી-સી ડીવીઝનના પ્રો. ડીવાયએસપી નયના ગોરડીયા તથા પીઆઇ એ.આર. ચૌધરીના માર્ગદર્શન હેઠળ પીએસઆઇ આર.વી. રાઠોડ તથા પો.હેડ કોન્સ એચ.એ. પરમાર, પો.કોન્સ મયુરસિંહ જાડેજા દ્વારા સોર્સ સંપર્ક કરી તેમની માતાનો સંપર્ક  કર્યો હતો.
બાળકની માતા સંજનાબેન રહે. હનુમાન ટેકરી જામનગરવાળા પોતાનું બાળક હોવાનું અને તે બાળકને પોતાના સબંધી મેહુલભાઇ રમાડવા લઇ ગયેલ અને રાવલવાસના સ્મશાન પાસે આ મેહુલના પિતા આવતા હોય તે ગુસ્સે થશે તે બીકના કારણે બાળક મુકી જતા રહેલ દરમ્યાન આ યુવાન વિરુઘ્ધ તેણી કોઇ પોલીસ ફરીયાદ કરવા માંગતા ન હોય બાળકનો કબ્જો માતાને સોંપી આપી મિલાપ કરાવી પ્રસંશનીય કામગીરી કરી હતી.