તળાજા પોલીસે ઘરફોડ ચોરીનો ભેદ ઉકેલી સોના-ચાંદીના ઘરેણાં સહિતના  મુદ્દામાલ સાથે એક શખ્સને ઝડપી લીધો હતો.  
 તળાજા પોલીસ મથકના  ’એ’ પાર્ટ ગુ.ર.નં.૧૧૧૯૮૦૫ ૩૨૪૦૫૯૩/૨૦૨૪ બી.એન.એસ. કલમ ૩૦૫(એ) ૩૩૧(૩) મુજબના ઘરફોડ ચોરીના અનડીટેકટ ગુન્હા બાબતે પોલીસ ઇન્સ.  પી.એલ.ઘામાએ  તળાજા પોલીસ સ્ટાફના માણસોની અલગ અલગ ટીમો બનાવી ટેકનીકલ સર્વેલન્સ તેમજ હ્યુમન રીસોર્સના આધારે આરોપી તથા ચોરીમાં ગયેલ ઘરેણાં સાથે  ઇલીયાસ ઉર્ફે કાળુ ઉસ્માનભાઈ સૈયદ (ઉ.વ.૨૬ રહે.પંચશીલ સોસાયટી તળાજા જી.ભાવનગર)ને ઝડપી લઈ તેની પાસેથી  સોનાના પેડલ  ૨, સોનાની વીટી ૨, સોનાની સર  ૨  તમામ સોનાના દાગીનાનું વજન આશરે ૧૧ ગ્રામ જેની આશરે કિ.રૂ. ૩૫,૦૦૦, ચાંદીનો ચેઇન ૧, ચાંદીના છડા મોટા જોડ ૧, ધાતુની મોટી લક્કી ૧, ચાંદીની વીંટી ૩,ચાંદીની જાંજરી જોડ-૧, ધાતુના નાના છડા જોડ-૧, ધાતુના મોટા છડા જોડ ૧, ચાંદીની લક્કી નાની ૧, ચાંદીની નાની બંગડી(કડલી) ૨ અને  ધાતુની નાની બંગડી (કડલી) ૧ કબ્જે કરી આગળની કાર્યવાહી હાથ ધરી હતી. આ કામગીરીમાં  તળાજા પોલીસના   પોલીસ ઇન્સ.  પી.એલ.ધામા સા. તથા સર્વેલન્સના હેડ કોન્સ. એસ.વી.બોરીચા તથા હેડ કોન્સ. ડી.વી.વાળા, પો.કોન્સ ધરીતકુમાર દેવમોરારી, પો.કોન્સ.ઉમેશભાઈ બાંભણીયા, પો.કોન્સ.સામતુભાઈ કામળીયા, પો.કોન્સ. ધારેશભાઇ ગોહીલ અને  પો.કોન્સ. મથુરભાઈ સોલંકી સહિતના  જોડાયા હતા.