પોલીસ કમિશ્નર બ્રજેશકુમાર ઝા તથા અધિક પોલીસ કમિશ્નર મહેન્દ્ર બગડીયાના માર્ગદર્શન હેઠળ ડીસીપી ટ્રાફિક પૂજા યાદવની રાહબરીમાં ટ્રાફિક એસીપી વી.જી.પટેલ, આરટીઓ કેતન ખપેડ, એમ.ટી. વિભાગ પીએસઆઇ આર.એસ.ભટ્ટ તેમજ ટ્રાફિક શાખાના અધિકારી- કર્મચારીઓ દ્વારા શહેરી વિસ્તારમાં કંપનીના માન્ય સાયલેન્સરની જગ્યાએ અનઅધિક્રુત રીતે વધુ ધ્વનિ પ્રદુષણ ફેલાવતા અને લોકોના આરોગ્યને નુકસાન પહોંચાડતા મોડીફાઇડ સાયલેન્સર ફિટ કરેલ હોય જેનો ઉપયોગ નીતિગત તેમજ કાનૂની દ્રષ્ટ્રીએ દંડનીય છે.

આ બાબતે કાર્યવાહી માટે આવા મોટર સાયકલ- બુલેટ ચાલકો વિરુધ્ધ શહેરી વિસ્તારમાં અલગ-અલગ જગ્યાએ વિશેષ ડ્રાઇવનું આયોજન કરવામાં આવેલ હતું, જે ડ્રાઇવ દરમિયાન અનઅધિકૃત રીતે ફિટ કરવામાં આવેલ કુલ ૧૨૪ મોડીફાઇડ સાયલેન્સર કબજે લેવામાં આવ્યા હતાં. જે મોડીફાઇડ સાયલેન્સરનો આજરોજ પોલીસ હેડકવાર્ટર ખાતે રોલર ફેરવી નાશ કરવામાં આવ્યો હતો.