બ્લૂમબર્ગના એક અહેવાલ મુજબ, ઉદ્યોગપતિ ગૌતમ અદાણીના પ્રતિનિધિઓએ ડોનાલ્ડ ટ્રમ્પના નેતૃત્વ હેઠળના યુએસ વહીવટીતંત્રના અધિકારીઓ સાથે મુલાકાતો કરી છે જેથી વિદેશી લાંચ તપાસના સંદર્ભમાં તેમના વિરુદ્ધ દાખલ કરાયેલા ફોજદારી આરોપોને પડતા મૂકવાની શક્યતા અંગે ચર્ચા કરી શકાય.

આ બેઠક આ વર્ષની શરૂઆતમાં શરૂ થઈ હતી અને તાજેતરના અઠવાડિયામાં બેઠકોનો દોર વધ્યો છે. જો આમ જ ચાલુ રહેશે, તો મામલો એક મહિનામાં ઉકેલ તરફ આગળ વધી શકે છે.બ્લૂમબર્ગના જણાવ્યા મુજબ, અદાણીના પ્રતિનિધિઓએ દલીલ કરી છે કે આ કેસ રાષ્ટ્રપતિ ડોનાલ્ડ ટ્રમ્પની વર્તમાન નીતિ પ્રાથમિકતાઓ સાથે સુસંગત નથી અને તેના પર પુનર્વિચારણા કરવાની વિનંતી કરી છે.

મલ્ટી નેશનલ કંપની અદાણી ગ્રુપના માલિક ગૌતમ અદાણી પર તેમના ભત્રીજા સાગર અદાણી સાથે આરોપ મૂકવામાં આવ્યો હતો. આરોપોમાં ગૌતમ અદાણીએ સૌર ઉર્જા કરાર મેળવવા માટે ભારતીય રાજ્ય અધિકારીઓને 250 મિલિયન ડોલરની લાંચ આપવાની ઓફર કરી હોવાના આરોપોનો સમાવેશ થાય છે. યુએસ સિક્યોરિટીઝ એન્ડ એક્સચેન્જ કમિશન (સીઈએસ) દ્વારા સમાંતર સિવિલ દાવો પણ દાખલ કરવામાં આવ્યો હતો. અદાણી ગ્રુપે તમામ આરોપોને નકારી કાઢ્યા છે.

કાનૂની અને નાણાકીય જોખમો ઘટાડવાના પ્રયાસમાં, અદાણીએ યુનાઇટેડ સ્ટેટ્સમાં ઘણી કાનૂની અને લોબિંગ કંપનીઓ સાથે જોડાણ કર્યું છે. માર્ચમાં એક બેઠક યોજાઈ હતી, જેમાં બ્રુકલિનમાં યુએસ એટર્ની ઓફિસના ફરિયાદીઓ અને ન્યાય વિભાગના અધિકારીઓ સામેલ હતા.