રાજુલાના ચાંચ ગામે વતનમાં આવેલા આર્મીમેન યુવક ઉપર કૌટુંબિક કાકાએ પાઇપ વડે હુમલો કરતા માથાકૂટની ઇજા થતા રાજુલા સારવાર લીધી હતી.
ચાંચ ગામે ફૂલવાડીમાં રહેતો અને આર્મીમાં ફરજ બજાવતા મયુર વનરાજભાઈ ચૌહાણ (ઉ.વ.૨૭)નામનો યુવક આર્મીમાંથી થોડા દિવસની રજા લઈ વતનમાં આવ્યો હતો ગઇકાલે ફૂલવાડીમાં રાત્રીના મિત્રો સાથે ઉભો હતો ત્યારે કૌટુંબિક કાકા જેરામભાઈ દુલાભાઇ ચૌહાણ, તેનભાઈ રાજુભાઈ અને દીકરો બલદેવ ત્યાંથી નીકળ્યા હતા અને કહેવા લાગ્યા હતા કે, અહીં શું ઉભા છોવ બધા અહીંથી જતા રહો આથી મયુરે કહ્યું હતું કે, કાકા તમને ના ,ગમતું હોઈ તો જતા રહીએ તેમ કહેતા તું સામું કેમ બોલે છે કહી ગાળાગાળી કરવા લાગ્યા હતા. ગાળો આપવાની ના પાડતા ઉશ્કેરાઈ પાઇપનો ઘા માથામાં મારી લેતા યુવક ત્યાંથી ભાગ્યો હતો રાજુભાઈએ આજે તો તું બચી ગયો જો હાથમાં આવીશ તો પતાવી દઈશ તેવી ધમકી આપી હતી. યુવકને માથાના ભાગે ઇજા થતા રાજુલા સરકારી હોસ્પિટલમાં સારવાર લીધી હતી. બનાવ અંગે જેરામ દુલાભાઇ ચૌહાણ, રાજુ દુલાભાઇ ચૌહાણ, બળદેવ જેરામભાઇ ચૌહાણ સામે ફરિયાદ નોંધાવતા પોલીસે ગુનો નોંધ્યો છે.