ભાવનગર જિલ્લાના મહુવા ટાઉન પોલીસ મથકમાં નોંધાયેલા વિદેશી દારૂના બે ગુન્હાઓમાં નાસતાં-ફરતાં આરોપીને  લોકલ ક્રાઇમ બ્રાન્ચે ઝડપી લીધો હતો. ભાવનગર એલ.સી.બી. સ્ટાફના માણસો નાસતાં-ફરતાં આરોપી પકડવા તળાજા પોલીસ મથક વિસ્તારમાં પેટ્રોલીંગમાં હતાં. તે દરમિયાન બાતમી મળેલ કે, મહુવા પોલીસ મથકના ઇંગ્લીશ દારૂના બે ગુન્હાઓમાં નાસતાં-ફરતાં આરોપી દલસુખ ઉર્ફે મનીષ ઉર્ફે બગલી મનજીભાઇ માથાસુરીયા રહે.ચોરવીરા તા.સાયલા જી.સુરેન્દ્રનગર મહુવા ચોકડીએ ઉભો છે. જે બાતમી આધારે તપાસ કરતાં નાસતાં-ફરતાં આરોપી   દલસુખ ઉર્ફે મનીષ ઉર્ફે બગલી મનજીભાઇ માથાસુરીયા (ઉ.વ.૪૬ રહે.ચોરવીરા તા.સાયલા જી.સુરેન્દ્રનગર)ને ઝડપી લીધા હતો. ઝડપાયેલા આરોપી સામે    મહુવા ટાઉન પોલીસમાં  ગુ.ર.નં.૦૪૬૨/૨૦૨૩ પ્રોહી.એકટ કલમ:-૬૫ એ,ઇ, ૧૧૬ બી વિગેરે મુજબ તેમજ  મહુવા ટાઉન પોલીસમાં  ગુ.ર.નં.૦૩૯૪/૨૦૨૩ પ્રોહી એકટ કલમ:-૬૫ એ,ઇ,૧૧૬ બી,૮૧,૮૩ વિગેરે મુજબનો ગુન્હો નોંધાયો હતો. આ કામગીરીમાં  પોલીસ ઇન્સ. એ.આર.વાળાના માર્ગદર્શન હેઠળ પો. સબ ઇન્સ. પી.બી.જેબલીયા, પી.ડી.ઝાલા તથા સ્ટાફનાં અરવિંદભાઇ બારૈયા, અશોકભાઇ ડાભી, મહેન્દ્દસિંહ સરવૈયા, તરૂણભાઇ નાંદવા અને  પ્રવિણભાઇ ગળચર  સહિતના જોડાયા હતા.