શહેરમાં આવેલી તમાકુની વ્યાપારી પેઢીમાં મોડીસાંજે સેન્ટ્રલ જીએસટીની ટુકડી ત્રાટકી હતી. શહેરના મામાકોઠા વિસ્તારમાં આવેલી પેઢીમાં સીજીએસટીની તપાસના પગલે તમાકુ સહિતના વેપારીઓમાં ભારે ફફડાટ ફેલાયો હતો. ટુકડી દ્વારા મોડી રાત્રી સુધી તપાસ જારી હોય કરચોરી સહિતની કશી વિગતો સીજીએસટી તંત્ર દ્વારા જાહેર કરવામાં આવી ન હતી. શહેરના મામાકોઠા રોડ વિસ્તારમાં આવેલી ભવાની ટ્રેડર્સ નામની તમાકુનું વેચાણ કરતી વ્યાપારી પેઢી પર મોડી સાંજે સેન્ટ્રલજીએસટીની ટુકડી ત્રાટકી હતી. સીજીએસટીના અધિકારીઓની ટુકડી દ્વારા ભવાની ટ્રેડર્સમાં તપાસનો ધમધમાટ શરૂ કર્યો હતો. જો કે મોડી રાત્રી સુધી ટુકડી દ્વારા તપાસ જારી રહી હોય પેઢી દ્વારા કેટલી ગેરરીતિ આચરવામાં આવી છે. તે સહિતની બાબતો પર સીજીએસટી તંત્ર દ્વારા સત્તાવાર કશી વિગતો જારી કરી ન હતી. સેન્ટ્રલજીએસટીની તપાસ દરમ્યાન ભવાની ટ્રેડર્સ પેઢી દ્વારા મોટી માત્રામાં ગેરરીતિ આચરવામાં આવી હોય તપાસના અંતે જીએસટી ચોરી અંગે ચોકાવનારી વિગતો બહાર આવે તેવી શક્યતા વિશ્વસનીય સૂત્રોએ વ્યક્ત કરી હતી. મોડી સાંજથી સેન્ટ્રલજીએસટી દ્વારા શહેરમાં તમાકુના વેપારીને ત્યાં હાથ ધરવામાં આવેલી તપાસના પગલે વેપારી વર્તુળમાં ભારે ફફડાટ ફેલાયો હતો.