વિદેશ મંત્રાલય દ્વારા આજે ફરી એકવાર પ્રેસ કોન્ફરન્સ કરવામાં આવી હતી. જેમાં વિદેશ સચિવ વિક્રમ મિસરીએ જણાવ્યું છે કે, "સશસ્ત્ર દળો પરિસ્થિતિ પર સખત નજર રાખી રહ્યા છે અને આંતરરાષ્ટ્રીય સરહદ તેમજ નિયંત્રણ રેખા (LOC) પર સરહદના ઉલ્લંઘનની પુનરાવૃત્તિના કોઈપણ કિસ્સા સાથે સખત રીતે વ્યવહાર કરવા માટે સૂચના આપવામાં આવી છે."

વિદેશ સચિવ વિક્રમ મિસરીએ જણાવ્યું છે કે, "ભારત અને પાકિસ્તાનના DGMO વચ્ચે આજે સાંજે છેલ્લા કેટલાક દિવસોથી ચાલી રહેલી સૈન્ય કાર્યવાહીને રોકવા માટે સમજૂતી થઈ હતી. છેલ્લા કેટલાક કલાકોથી, આ સમજૂતીનું પાકિસ્તાન દ્વારા ઉલ્લંઘન કરવામાં આવી રહ્યું છે. ભારતીય સેના જવાબી કાર્યવાહી કરી રહી છે. અમારું માનવું છે કે પાકિસ્તાને આ પરિસ્થિતિને યોગ્ય રીતે સમજવી જોઈએ."