એલોન મસ્કની માલિકીની સોશિયલ મીડિયા જાયન્ટ X (અગાઉ ટ્વિટર) શુક્રવારથી વૈશ્વિક સ્તરે ડાઉન છે, જેના કારણે તેના લાખો વપરાશકર્તાઓને ભારે મુશ્કેલીનો સામનો કરવો પડી રહ્યો છે. દુનિયાભરમાં X નો ઉપયોગ કરનારા યુઝર્સ પ્લેટફોર્મને એક્સેસ કરી શકતા નથી, જેનાથી સોશિયલ મીડિયા પર ખળભળાટ મચી ગયો છે.

​​​​​​​પ્રાથમિક અહેવાલો અનુસાર X ના સર્વરમાં સમસ્યાઓ ઉભી થઈ હતી, જેના પરિણામે મોટાભાગના યુઝર્સ લોગઇન કરી શકતા નથી કે પોસ્ટ જોઈ શકતા નથી. આ સમસ્યા વૈશ્વિક સ્તરે જોવા મળી રહી છે, જે દર્શાવે છે કે આ કોઈ નાના ટેકનિકલ ગ્લિચ કરતાં મોટી સમસ્યા હોઈ શકે છે.

જોકે, X ડાઉન થવાનું ચોક્કસ કારણ હજુ સુધી કંપની દ્વારા સત્તાવાર રીતે જાહેર કરવામાં આવ્યું નથી. આઉટેજ ટ્રેકિંગ વેબસાઇટ્સ પણ X માં મોટા પાયે સમસ્યાઓની પુષ્ટિ કરી રહી છે. આ ઘટના એવા સમયે બની છે જ્યારે એલોન મસ્ક X ને "એવરીથિંગ એપ" બનાવવાની દિશામાં કામ કરી રહ્યા છે.