લોકલ ક્રાઇમ બ્રાન્ચે શહેરના આખલોલ જકાતનાકા વિસ્તારમાંથી  રૂ.૧૧,૮૦૦નાં મુદ્દામાલ સાથે બત્તીના ઉજાશમાં ગંજીપત્તાનો હારજીતનો હાથકાપનો જુગાર રમી-રમાડતાં પાંચ શખ્સને  ઝડપી લીધા હતા.
ભાવનગર એલ.સી.બી. પોલીસ સ્ટાફ ભાવનગર સીટી વિસ્તારમાં પેટ્રોલીંગમાં હતાં.તે દરમ્યાન બાતમી મળેલ કે, ભાવનગર, આખલોલ જકાતનાકા પાસે, રફીકભાઈ ગેરેજવાળા ખાંચામાં જાહેરમાં ખુલ્લી જગ્યામાં બત્તીના  ઉજાશમાં ગંજીપત્તાના પાના-પૈસા વડે હારજીતનો હાથકાપનો જુગાર રમતાં  ગુલાબ રહીમભાઈ કુરેશી (ઉ.વ.૫૫ રહે.માર્કેટીંગ યાર્ડની પાછળ, ઈંદીરાનગર, મફતનગર, ગજરાજસિંહ ના મકાનમાં ભાડેથી ભાવનગર),    સલીમ કાસમભાઈ શેખ (ઉ.વ.૫૨ રહે.માર્કેટીંગ યાર્ડની પાછળ, ઈંદીરાનગર, મફતનગર, અબ્બાસભાઈ બેલીમના મકાનમાં ભાડેથી ભાવનગર),    આલા જગાભાઈ મુંધવા (ઉ.વ.૨૪ રહે.માર્કેટીંગ યાર્ડની પાછળ, ઈંદીરાનગર, મફતનગર, ભાવનગર),    રફીક અબ્દુલભાઈ વલીયાણી (ઉ.વ.૩૪ રહે.આખલોલ જકાતનાકા પાસે, મફતનગર, ભાવનગર) અને     રજાક સત્તારભાઈ પઠાણ (ઉ.વ.૩૮ રહે.આખલોલ જકાતનાકા પાસે, વાંજા શેરી મફતનગર, ભાવનગર)ને ઝડપી લઇ ગંજીપત્તાના પાના તથા રોકડા રૂ.૧૧,૮૦૦ મળી કુલ કિંમત રૂ.૧૧,૮૦૦ નો મુદ્દામાલ કબ્જે કર્યો હતો.
આ કામગીરીમાં  પોલીસ ઇન્સ. શ્રી એ.આર.વાળાના  માર્ગદર્શન હેઠળ સ્ટાફના અનિરુધ્ધસિંહ ડાયમા, ઘનશ્યામભાઈ ગોહીલ, સાગરભાઈ જોગદીયા, મહેંદ્રભાઈ ચૌહાણ, અનિલભાઈ સોંલકી, સંજયભાઈ ચુડાસમા સહિત જોડાયા હતા.