ભાનુશાળીવાડમાં દરોડો : રોકડ અને ગંજીપત્તા કબ્જે

જામનગરના હવાઇચોક પાસે ભાનુશાળી વાડ શેરી નં. ૫માં જાહેરમાં તિનપતીનો જુગાર રમતા ચાર મહિલાઓની રોકડ સાથે અટકાયત કરવામાં આવી હતી.
હવાઇચોક નજીક ભાનુશાળી વાડમાં જાહેરમાં તિનપતીનો જુગાર રમાતો હોવાની બાતમીના આધારે સીટી-એ પોલીસે દરોડો પાડીને તિનપતીનો જુગાર રમતી ભાનુશાળી વાડમાં રહેતી કાજલબેન કાંતીલાલ રાઠોડ, દિનાબેન જેન્તી જોઇસર, ભાનુબેન જેન્તી કટારમલ અને હાલ વાપી રહેતા હીનાબેન અશ્ર્વીન કારીયાની અટકાયત કરવામાં આવી હતી.
પોલીસે દરોડા દરમ્યાન ૪૧૧૦ની રોકડ અને ગંજીપતા કબ્જે કરી જુગારધારા મુજબ કાર્યવાહી કરી હતી.
***
ખંભાળિયામાં ચાર જુગારીઓ ઝડપાયા
ખંભાળિયામાં રેલવે સ્ટેશન રોડ વિસ્તારમાંથી પોલીસે જાહેરમાં ગંજીપત્તા વડે જુગાર રમી રહેલા મોમૈયા બોઘા જામ, દેવુ નાગશી કારીયા, રમેશ ડાયા ડગરા અને જીતેન્દ્ર ગાંગા વઘોરા નામના ચાર શખ્સોને ઝડપી લઇ, રૂ. ૩,૧૯૦ નો મુદ્દામાલ કબજે કર્યો હતો.