આઝાદી કા અમૃત મહોત્સવ અભિયાન અંતર્ગત ભાવનગર જિલ્લા વહીવટી તંત્ર તથા ભાવનગર મહાનગરપાલિકાના સંયુક્ત ઉપક્રમે હર ઘર તિરંગા યાત્રાનું આજે તા.૧૩મી ઓગસ્ટ ૨૦૨૪ના રોજ સાંજે ૪ કલાકે આયોજન કરવામાં આવેલ છે. હર ઘર તિરંગા યાત્રાનો શુભારંભ મેયર ભરતભાઈ બારડના  હસ્તે થનાર છે. 

તિરંગા યાત્રામાં તમામ સંસ્થાઓ, એનજીઓ, શાળા - કોલેજ અને તમામ સરકારી કચેરી, શહેરના નાગરિકો, અધિકારી પદાધિકારીઓ અને કર્મચારીઓને સાથે રાખી આ તિરંગા યાત્રાનું આયોજન કરવામાં આવેલ છે. આ યાત્રા દરમિયાન યાત્રાનો રૂટ એ.વી. સ્કૂલના ગ્રાઉન્ડથી નવાપરા ગરાસીયા બોર્ડિંગ,  ભીડભંજન, મોતીબાગ ચોક,રૂપમ ચોક,ખાર્ગેટ ,મામા કોઠા રોડ,હલુરીયા ચોક થઈ પરત એવી સ્કૂલ મેદાને આવશે. આ તિરંગા યાત્રામાં સહભાગી થવા ભાવનગર મહાનગરપાલિકાની યાદીમાં જણાવાયું છે.