ઈન્ડિયન પ્રીમિયર લીગ 2024ની 57મી મેચમાં સનરાઈઝર્સ હૈદરાબાદે તોફાની બેટિંગ સાથે લખનૌ સુપરજાયન્ટ્સને 10 વિકેટથી હરાવ્યું હતું. મેચમાં સનરાઇઝર્સની ટીમે 166 રનના ટાર્ગેટનો પીછો કર્યો હતો અને તેને માત્ર 9.4 ઓવરમાં હાંસલ કરીને મેચ જીતી લીધી હતી.

ટ્રેવિસ હેડ અને અભિષેક શર્માની તોફાની બેટિંગના કારણે સનરાઈઝર્સ હૈદરાબાદે ઘરઆંગણે લખનૌને 10 વિકેટે હરાવ્યું હતું. આઈપીએલની આ સિઝનમાં સનરાઈઝર્સ પહેલી એવી ટીમ બની ગઈ છે જેણે કોઈપણ વિકેટ ગુમાવ્યા વિના મેચ જીતવાનો રેકોર્ડ બનાવ્યો છે. 

આ મેચમાં લખનૌના કેપ્ટન કેએલ રાહુલે ટોસ જીતીને પ્રથમ બેટિંગ કરવાનો નિર્ણય લીધો હતો. પ્રથમ બેટિંગ કરતા સનરાઇઝર્સની ટીમ કોઈક રીતે 165 રનના સ્કોર સુધી પહોંચાડવામાં સફળ રહી હતી. જેના જવાબમાં સનરાઇઝર્સે 9.4 ઓવરમાં એકપણ વિકેટ ગુમાવ્યા વિના મેચ જીતી લીધી હતી.

ટાર્ગેટનો પીછો કરતા સનરાઇઝર્સ માટે ટ્રેવિસ હેડ અને અભિષેક શર્માએ પહેલી જ ઓવરથી લખનૌના બોલરોની ખબર લેવાની શરૂ કર્યું. આ દરમિયાન ટ્રેવિસ હેડે માત્ર 16 બોલમાં પોતાની ફિફ્ટી પૂરી કરી હતી. ટ્રેવિસ હેડ 30 બોલમાં 89 રન બનાવીને અણનમ રહ્યો હતો. આ ઇનિંગમાં તેણે 8 સિક્સર અને એટલી જ ચોગ્ગા ફટકાર્યા હતા.