બાથરૂમ તો બધા સાફ કરે છે પણ કેટલાક ઘરોના વોશરૂમ હંમેશા ગંદા દેખાય છે. આનું કારણ ટાઇલ્સ છે. હકીકતમાં, ટાઇલ્સની સફાઈ કરતાં વધુ બાથરૂમ ગંદા થવા માટે તેમની પસંદગી જવાબદાર છે. તો જો બાથરૂમનું નવીનીકરણ(રીનોવેશન) કરાવવા માંગતા હો અથવા નવા બાથરૂમમાં ટાઇલ્સ લગાવવાનું વિચારી રહ્યા છો તો આ ભૂલ બિલકુલ ન કરો; નહિંતર ઘણી સફાઈ કર્યા પછી પણ ટાઇલ્સવાળી દિવાલો અને ફ્લોર હજુ પણ ગંદા દેખાશે.

દિવાલો પર ઘેરો રંગ લગાવો

જ્યારે પણ કોઈ બાથરૂમ માટે ટાઇલ્સ ખરીદવા જાય છે, ત્યારે અડધાથી વધુ લોકો ફ્લોર અને નીચેની દિવાલ માટે ઘેરા રંગની ટાઇલ્સ પસંદ કરે છે. લોકો વિચારે છે કે નીચેની દિવાલો પર ઘેરા રંગ(ડાર્ક કલર)ના ફ્લોર અને ટાઇલ્સ લગાવવાથી તેઓ ઓછા ગંદા થશે. જ્યારે એવું નથી.

ઘેરા રંગની ટાઇલ્સ કેમ જલ્દી ગંદી દેખાય છે?

હકીકતમાં, ઘાટા રંગ(ડાર્ક કલર)ની ફ્લોર ટાઇલ્સ અથવા નીચેની દિવાલો પરની ટાઇલ્સ પર પાણીના છાંટા પડવાથી સફેદી જમા થાય છે. જે મોટે ભાગે હાર્ડ વોટર સ્ટેન હોય છે. જ્યારે સફેદપણું દૂર કરવા માટે રસાયણોનો ઉપયોગ કરવામાં આવે છે, ત્યારે ટાઇલ્સનો રંગ ઝાંખો પડવા લાગે છે અથવા તે જગ્યાએ સફેદ ડાઘ પડી જાય છે જે સમય જતાં ગંદકીને કારણે પીળા દેખાવા લાગે છે. તેથી, બાથરૂમની નીચેની દિવાલો અને ફ્લોર પર ભૂલથી પણ ઘેરા રંગની ટાઇલ્સ ન લગાવવી જોઈએ.

દિવાલો પર કયા રંગની ટાઇલ્સ લગાવવી જોઈએ?

ફ્લોર અને દિવાલો પર હંમેશા લાઈટ રંગની ટાઇલ્સનો ઉપયોગ કરો. એટલે ટાઇલ્સ સાફ કરવી ખૂબ જ સરળ છે. જ્યારે આ ટાઇલ્સ પરની ગંદકી સાફ કરવામાં આવે છે, ત્યારે આછા રંગની ટાઇલ્સ ચમકવા લાગે છે. સૌથી મહત્વની વાત એ છે કે તેના પર પાણીના સફેદ કે પીળા ડાઘ દેખાતા નથી. તેથી, થોડી સફાઈ કરવાથી બાથરૂમ વધુ ચમકવા લાગશે.