જલારામ મંદિરે મિટિંગમાં થયું આયોજન

આગામી તા. 8 નવેમ્બર નાં રોજ પૂજ્ય સંત શિરોમણી જલારામ બાપાની 225 મી જન્મ જયંતી છે. જે અનુસંધાને ઉજવણી કરવાની હોઈ સલાયા લોહાણા મહાજન દ્વારા જલારામ મંદિરે લોહાણા મહાજન પ્રમુખ તેમજ જલારામ મંદિર અન્નક્ષેત્ર ટ્રસ્ટનાં પ્રમૂખ ભરતભાઈ લાલની આગેવાનીમાં એક મિટીંગનું આયોજન કરવામાં આવેલ હતું.

આ મિટિંગમાં મોટી સંખ્યામાં રઘુવંશીઓ હાજર રહ્યા હતા. જેમાં જલારામ મંદિરે 11.30 વાગ્યે નૂતન ધ્વજા આરોહરણ કરવામાં આવશે. જેની પૂજામાં કિશોરભાઈ લાલ, કિરીટભાઈ બદિયાણી, કિશન બથિયા, કિશોર વિઠલાણી બેસશે. બાદમાં લોહાણા મહાજન વાડીએ સારસ્વત મહાસ્થાન, સમસ્ત બ્રહ્મસમાજ, રાજગોર સમાજ, સાધુ સમાજ તેમજ સમસ્ત હિન્દુ સમાજનું સમૂહ ભોજન રાખવાનું આયોજન કરવામાં આવેલ છે, તો સમસ્ત હિન્દુ સમાજના સમૂહ ભોજનમાં તેમજ ધ્વજા આરોહણમાં પધારવા જલારામ મંદિર અન્નક્ષેત્ર ટ્રસ્ટ તેમજ લોહાણા મહાજન દ્વારા ભાવ ભરેલું નિમંત્રણ આપવામાં આવ્યું છે. આ આયોજનને સફળ બનાવવા જલારામ સેવા સમીતી જહેમત ઉઠાવી રહી છે.