વર્ક ફ્રોમ હોમની પરંપરા કોરોના બાદથી શરુ થઈ હતી જે હજુ પણ ચાલુ છે અને ભારતીય કર્મચારીઓ તેમાં વિશ્વભરમાં અગ્રેસર છે. જો કે યુકે, યુએસએ, કેનેડા વગેરેમાં લોકો ઘરેથી કામ કરવાનું પસંદ કરી રહ્યા છે તેમ છતાં ભારતીયો તેમાં ટોપ પર છે જયારે ચીન અને જાપાનમાં ઉલટી સ્થિતિ જોવા મળી રહી છે.આ બાબત ગ્લોબલ સર્વે ઓફ વર્કિંગ એરેન્જમેન્ટ્સનો સર્વેમાં ખુલવા પામી હતી.

ભારતમાં કર્મચારીઓ તેમના વૈશ્વિક સમકક્ષોની તુલનામાં ઘરેથી કામ કરવાનું ચાલુ રાખે છે. પાંચ વર્ષ પહેલાં કોરોના મહામારી દરમિયાન શરૂ થયેલી આ પરંપરા હજુ પણ ચાલુ છે. આ દાવો કર્મચારીઓ પર સર્વે કરતી બ્રિટિશ સંસ્થા ડબ્લ્યુ એચ એફ રિસર્ચ અને ગ્લોબલ સર્વે ઓફ વર્કિંગ એરેન્જમેન્ટ્સ દ્વારા કરવામાં આવેલા સર્વેમાં કરવામાં આવ્યો છે. સર્વે મુજબ, ભારતમાં કર્મચારીઓ અઠવાડિયામાં સરેરાશ ૧.૬ દિવસ ઘરેથી કામ કરે છે, જ્યારે વિશ્વભરમાં સરેરાશ ૧.૨ દિવસ ઘરેથી કામ કરે છે. આ સર્વે નવેમ્બર 2024 થી ફેબ્રુઆરી 2025 દરમિયાન ભારત સહિત 40 દેશોમાં 16,000 થી વધુ કર્મચારીઓ પર કરવામાં આવ્યો હતો.

ચીન, જાપાનમાં વલણ બદલાયું

પૂર્વ એશિયાઈ દેશોમાં વલણ બરાબર વિપરીત છે. અહીં કર્મચારીઓ દરરોજ ઓફિસમાં આવે છે અને કામ કરે છે. ચીન, જાપાન અને દક્ષિણ કોરિયામાં, મોટાભાગના કામદારો હજુ પણ દરરોજ ઓફિસમાં મુસાફરી કરે છે. ચીનમાં, કર્મચારીઓ અઠવાડિયામાં ફક્ત 0.6 દિવસ ઘરેથી કામ કરે છે, જ્યારે જાપાનમાં તે અઠવાડિયામાં 0.7 દિવસ છે. દક્ષિણ કોરિયામાં અઠવાડિયામાં સૌથી ઓછો 0.5 દિવસ છે.

ક્યાં દેશમાં કેટલા દિવસ ઘરેથી કામ થતું હોવાનો રેશિયો

દેશો સપ્તાહના દિવસ

ઓસ્ટ્રેલિયા ૧.૨

કેનેડા 1.9

યુકે ૧.૮

ફિનલેન્ડ ૧.૭

જર્મની ૧.૬

યુએસએ ૧.૬

ભારત ૧.૬

પોર્ટુગલ ૧.૫

બ્રાઝિલ ૧.૪

સિંગાપોર ૧.૨

જાપાન ૦.૭

ચીન ૦.૬

દક્ષિણ કોરિયા ૦.૫

જેમના બાળકો છે તેઓની ઘરેથી કામ કરવાની ઈચ્છા વધુ

અભ્યાસમાં જાણવા મળ્યું છે કે વિશ્વના દરેક મુખ્ય ક્ષેત્રમાં પુરુષો અને સ્ત્રીઓ ઘરેથી કામ કરે છે તે દર સમાન છે, પરંતુ બાળકો ધરાવતી સ્ત્રીઓમાં ઘરેથી કામ કરવાની ઇચ્છા સૌથી વધુ છે. સર્વેમાં સામેલ માતાપિતાએ જણાવ્યું હતું કે તેઓ હાઇબ્રિડ કામ સ્વીકારવા માટે વધુ વલણ ધરાવે છે, જ્યારે બાળકો વિનાના માતાપિતા સંપૂર્ણપણે ઓફિસમાં અથવા સંપૂર્ણપણે દૂરસ્થ મોડેલ પસંદ કરે છે. જોકે, યુવાનો શીખવા માટે ઓફિસમાંથી કામ કરવાનું પસંદ કરે છે. ૫૫% મહિલાઓએ કહ્યું કે જો તેમને ઓફિસમાં આવીને પૂર્ણ સમય કામ કરવાનું કહેવામાં આવે, તો તેઓ નવી નોકરી શોધશે.