વિરાટ કોહલીના બેંગલુરુ સ્થિત વન8 કોમ્યુન પબ અને રેસ્ટોરન્ટ સામે કેસ નોંધવામાં આવ્યો. બેંગલુરુ પોલીસે આ કાર્યવાહી એટલા માટે કરી છે કારણ કે કોહલીના પબમાં નો સ્મોકિંગ ઝોન નહોતો.

બેંગલુરુ પોલીસે ક્રિકેટર વિરાટ કોહલીના પબ-રેસ્ટોરન્ટ સામે કાર્યવાહી કરી છે. પોલીસે કોહલી વિરુદ્ધ તેના One8 કોમ્યુન પબ અને રેસ્ટોરન્ટમાં નો સ્મોકિંગ ઝોન ન હોવા બદલ કેસ દાખલ કર્યો છે.

જોકે, અત્યાર સુધી આ મામલે ક્રિકેટર કે રેસ્ટોરન્ટ દ્વારા કોઈ નિવેદન આપવામાં  આવ્યું નથી.

બેંગલુરુની કબ્બન પાર્કમાં  પોલીસે ખાસ ઝુંબેશ દરમિયાન કુલ 5 બાર અને રેસ્ટોરન્ટ સામે કાર્યવાહી હાથ ધરી , જેમાં વિરાટ કોહલીની માલિકીનું વન8 કોમ્યુન પબ અને રેસ્ટોરન્ટનો પણ સમાવેશ થાય છે.પોલીસે શોધી કાઢ્યું કે પબમાં નો સ્મોકિંગ ઝોન નહોતો અને તેથી સિગારેટ અને અન્ય તમાકુ ઉત્પાદનો અધિનિયમ (COTPA) ની જોગવાઈઓનું ઉલ્લંઘન કરવા બદલ સુઓ મોટો કેસ નોંધવામાં આવ્યો.

નિયમો તોડવા બદલ પબ સામે કાર્યવાહી કરવામાં આવી

આ પહેલી વાર નથી જ્યારે કોહલીના પબ સામે કોઈ કાનૂની કાર્યવાહી કરવામાં આવી હોય. ગયા વર્ષે જુલાઈમાં વન8 કોમ્યુન પબ અને રેસ્ટોરન્ટ સામે પણ  કેસ નોંધવામાં આવ્યો હતો.જુલાઈ 2024 માં, One8 કોમ્યુન પબના મેનેજર વિરુદ્ધ બંધ થવાના સમયના નિયમોનું ઉલ્લંઘન કરવા બદલ FIR દાખલ કરવામાં આવી હતી. કબ્બન પાર્ક પોલીસ સ્ટેશનમાં નોંધાયેલી એફઆઈઆર મુજબ, કસ્તુરબા રોડ પર સ્થિત વન8 કોમ્યુન પબ 6 જુલાઈના રોજ બંધ થવાના સમય પછી સવારે 1:20 વાગ્યે ખુલ્લું રહ્યું હતું અને ગ્રાહકોને સેવા આપતી  હતી. આ રેસ્ટોરન્ટની દિલ્હી, મુંબઈ અને પુણેમાં પણ શાખાઓ છે. પેટ્રોલિંગ પોલીસ ટીમને ફરિયાદ મળી હતી કે વન8 કોમ્યુન પબ મોડી રાત સુધી ખુલ્લો રહે છે. જ્યારે પોલીસ ટીમ રાત્રે 1:20 વાગ્યે પબ પર પહોંચી, ત્યારે જાણવા મળ્યું કે તે સમયે પણ પબ ગ્રાહકોને સેવા આપી રહ્યું હતું. જેના આધારે FIR નોંધવામાં આવી હતી. વિરાટ કોહલી One8 Commune ના માલિક છે. તેની શાખાઓ દિલ્હી , મુંબઈ, પુણેમાં છે. બેંગલુરુ, કોલકાતા, ગુરુગ્રામ જેવા શહેરોમાં પણ સ્થિત છે. આ રેસ્ટોરન્ટ ડિસેમ્બર 2023 માં જ બેંગલુરુમાં ખુલ્યું હતું.