રાજકોટ રેન્જ આઈજી અશોકકુમાર યાદવ, એસપી હિમકરસિંહ દ્વારા દારૂ તથા જુગારની અસામાજિક પ્રવૃતી નેસ્ત નાબુદ કરવાની આપેલ સુચનાથી ગોંડલ ડીવાયએસપી કે. જી. ઝાલાના માર્ગદર્શન હેઠળ વીંછિયા પોલીસ મથકના પીઆઈ જે. પી. રાવની રાહબરીમાં પીએસઆઈ કે. બી. ગઢવી ટીમ સાથે પેટ્રોલિંગમાં હતાં ત્યારે કોન્સ્ટેબલ અમીત સુરૂને વિંછીયાના મોટા માત્રા ગામનો ઇશ્વર ઉર્ફે ઇસો ભવાન બાવળીયા પોતાની વાડીમા ઇંગ્લીશ દારૂનો જથ્થો રાખી વેચાણ કરે છે તેવી ચોકકસ મળેલ બાતમીના આધારે દરોડો પાડી વાડીમાંથી દારૂની અલગ અલગ બ્રાન્ડની 363 બોટલ દારૂ મળી આવતાં પોલીસે રૂ.1.57 લાખનો મુદામાલ કબ્જે કર્યો હતો.જ્યારે વાડી મલિક ઈશ્વર ઉર્ફે ઇસો બાવળિયા દરોડા વખતે નાસી છૂટતાં પોલીસે તેને ઝડપી લેવા માટે શોધખોળ શરૂ કરી છે.