સિહોરના ટાણા રોડ રાધે મઢુલી રામટેકરીની સામે આવેલ એક મકાનમાં આગ ઘટના બની હતી. માવજીભાઈ પ્રાગજીભાઈ ચૌહાણના મકાનમાં અચાનક આગ ભભૂકી ઉઠતા આસપાસના રહીશોમાં અફરાતફરી મચી ગઈ હતી. આગની જાણ થતાં સિહોર નગરપાલિકાના ફાયર અધિકારી અને તેમની ટીમ તાત્કાલિક ઘટનાસ્થળે પહોંચી ગઈ હતી. સ્થાનિક લોકોએ પણ આગ બુઝાવવાનો પ્રયાસ કર્યો હતો. ફાયર બ્રિગેડની ટીમે ઝડપથી કાર્યવાહી કરીને આગ પર કાબૂ મેળવ્યો હતો.  આગમાં ઘરમાં રહેલી તિજોરી, ફર્નિચર અને કપડાં સહિતનો માલસામાન બળીને ખાક થઈ ગયો હતો. આ અગ્નિકાંડમાં અંદાજે એક લાખ રૂપિયાથી વધુનું નુકસાન થયું છે. ફાયર બ્રિગેડની ત્વરિત કામગીરીને કારણે વધુ નુકસાન થતું અટકી ગયું હતું. સદનસીબે કોઈ જાનહાની થઈ નથી. પ્રાથમિક તપાસમાં આગ લાગવાનું કારણ શોર્ટ સર્કિટ હોવાની શક્યતા છે. જો કે, ચોક્કસ કારણ જાણવા માટે તપાસ હાથ ધરવામાં આવી હતી. એક સમયે આગે વિકરાળ સ્વરૂપ ધારણ કરતાં તાત્કાલિક ફાયરબ્રિગેડને જાણ કરવામાં આવી હતી. જેથી ફાયર ફાઈટર સ્ટાફ તરત જ ઘટનાસ્થળે પહોંચ્યા હતા. ફાયર બ્રિગેડની ટીમે પાણીનો મારો ચલાવીને આગ પર કાબૂ મેળવ્યો હતો. આ ઘટનામાં કોઈ જાનહાની થઈ નથી. જો કે, ઘરમાં રહેલી તમામ ઘરવખરી બળીને ખાક  થઈ જતાં મકાન માલિકને ભારે નુકસાન થયું હતું.