પાલીતાણા નજીક આવેલા હસ્તગીરી ડુંગર પર લાગેલી  આગે વિકરાળ સ્વરૂપ ધારણ કર્યું હતું.અને  આગ બેકાબૂ બની  રહી છે. જંગલનો મોટો વિસ્તાર બળીને ખાખ થઈ ગયો છે. 
ડુંગર પર લાગેલી આગ પર કાબૂ મેળવવા માટે પાલીતાણા ફાયર વિભાગની ટીમ સાથે તળાજા તાલુકાની ટીમને પણ સ્ટેન્ડબાય 
રાખવામાં આવી છે. આ ડુંગર પર મોટી સંખ્યામાં વન્ય પ્રાણીઓ અને પક્ષીઓનું વિચરણ થતું હોવાથી તંત્ર સતર્ક બન્યું છે.  ભાવનગરના ઉઋઘના જણાવ્યા મુજબ, ફોરેસ્ટ વિભાગની ટીમ ઘટનાસ્થળે તૈનાત છે. તેમણે એ પણ સ્પષ્ટતા કરી કે અત્યાર સુધી કોઈ વન્યજીવને નુકસાન થયું નથી.  ફાયર વિભાગની ટીમ જંગલના રેવન્યુ વિસ્તારમાં આગ બુઝાવવાની કામગીરી કરી રહી છે. જો કે, ડુંગરની ઊંચાઈ પર લાગેલી આગ પર પાણીનો છંટકાવ કરવા માટે કોઈ વ્યવસ્થા ન હોવાથી આગ પર કાબૂ મેળવવામાં મુશ્કેલી પડી રહી છે.