રાજસ્થાન રાજ્યના અજમેર જિલ્લાના મસૂદા તાલુકાના મૂળ રહીશ અને હાલ ખંભાળિયા તાલુકાના વિંજલપર ગામે રહી અને એક આસામીની વાડીએ મજૂરી કામ કરતા કાળુસિંગ તેજસિંગ ભલ નામના યુવાનને ગઈકાલે શુક્રવારે હૃદયરોગનો ઘાતક હુમલો આવી જતા તેમનું મૃત્યુ નીપજ્યું હોવા અંગેની જાણ ગોપાલસિંગ બાબુસિંગ બરાતએ અહીંની પોલીસને કરી છે. 

ગાંધવી ગામના યુવાને અકળ કારણોસર ઝેરી ટીકડા ખાધા: મૃત્યુ

કલ્યાણપુર તાલુકાના ગાંધવી ગામે રહેતા કાનાભાઈ જીવાભાઈ કારાવદરા નામના 40 વર્ષના યુવકે ગુરુવારે કોઈ અગમ્ય કારણોસર અનાજમાં નાખવાના ઝેરી ટીકડા ખાઇ લેતાં તેમનું મૃત્યુ નિપજ્યું હતું. આ બનાવ અંગેની જાણ ભરતભાઈ ભીમાભાઈ કારાવદરા (ઉ.વ. 26, રહે. ગાંધવી) એ કલ્યાણપુર પોલીસને કરી છે.