બનાવની જાણવા મળતી વિગતો મુજબ, જેતલસરમાં ગાયત્રીનગર ડેડરવા રોડ પર રહેતા જોશનાબેન રાજુભાઇ કંડોલીયા(ઉ.વ ૪૫) નામના મહિલાએ જેતપુર તાલુકા પોલીસ મથકમાં નોંધાવેલી ફરિયાદમાં આરોપી તરીકે પાડોશમાં રહેતા કેતન લક્ષમણભાઇ સોલંકી, મેહુલ લક્ષ્મણભાઇ સોલંકી, ગનુબેન લક્ષ્મણભાઇ સોલંકી અને બાવનજી ભેડા, રાજવીર ભેડા બાવનજી ભેડાના નામ આપ્યા છે.

મહિલાએ ફરિયાદમાં જણાવ્યું હતું કે, તેમને સંતાનમાં એક પુત્ર અને એક પુત્રી છે. મહિલા તા. ૨૮/૫ ના રાત્રીના દશેક તે તથા તેમની પુ્ત્રી વર્ષા(ઉ.વ ૨૨) બંને ઘરે હતાં. દરમિયાન મહિલા ઘર બહાર કચરો ફેંકવા ગયા હતાં પરત ઘરે આવતા અહીં ઘર પાસે કુતરા માંસનો ટુકડો લઇ આવ્યા હોય જેથી મહિલાએ દીકરીને કુતરા ભગાડવાનું કહેતા કેતન તેનો પુત્ર મેહુલ, અને તેની પત્ની ગનુબેન મહિલા પાસે આવી અમને કુતરા કેમ કહો છો? કહી ગાળો આપી ઢીકાપાટુનો મારમાર્યો હતો. કેતન અને મેહુલે પાઇપ અને હોકી વડે મહિલાને મારમાર્યો હતો તથા તેની દીકરીને નાકના ભાગે ઇજા પહોંચાડી હતી. બાદમાં તેનું ઉપરાણું લઇ બાવનજી અને તેનો દીકરો રાજવીર આવી ઢીકાપાટુનો મારમારી જાનથી મારી નાખવાની ધમકી આપી હતી. હુમલામાં ઘવાયેલા માતા-પુત્રીને પ્રથમ જેતપુર બાદમાં વધુ સારવાર માટે જુનાગઢ હોસ્પિટલ ખસેડવામાં આવ્યા હતાં. આ અંગે મહિલાની ફરિયાદ પરથી પોલીસે આરોપીઓ સામે ગુનો નોંધી કાયદેસરની કાર્યવાહી કરી હતી.