હવે હેલ્થ ઈન્સ્યોરન્સ પોલિસી ધારકો માટે કેશલેસ સારવારમાં નેટવર્ક હોસ્પિટલની ઝંઝટનો અતં આવ્યો છે. હેલ્થ ઈન્સ્યોરન્સ ધરાવતા લોકો કોઈપણ હોસ્પિટલમાં, કોઈપણ જગ્યાએ કેશલેસ સારવાર મેળવી શકશે.
જનરલ ઈન્સ્યોરન્સ કાઉન્સિલ (જીઆઈસી) એ ગઈકાલે કેશલેસ એવરીવ્હેર અભિયાન શ કયુ. આ અભિયાન હેઠળ પોલિસીધારકોને કોઈપણ હોસ્પિટલમાં તેમની સારવાર કરાવવાની સ્વતંત્રતા મળશે. આ સાથે, પોલિસીધારકોને હવે તેમના પોલિસી નેટવર્કની બહારની હોસ્પિટલોમાં કેશલેસ સારવારની સુવિધા મળશે.

અત્યાર સુધી, સ્વાસ્થ્ય વીમો ધરાવતા લોકો માત્ર તે હોસ્પિટલોમાં જ કેશલેસ સારવારની સુવિધા મેળવી શકતા હતા જે તેમની વીમા કંપનીના નેટવર્કનો ભાગ હતી. અગાઉ તેને અન્ય કોઈ હોસ્પિટલમાં સારવાર મળે તો તેને પોતાના ખિસ્સામાંથી ચૂકવવી પડતી હતી. બાદમાં પોલિસીધારક વીમા કંપની પાસે દાવો કરતો હતો, જે વેરિફિકેશન પછી પાસ થઈ જતો હતો.

ઘણી વખત સારવાર પૂર્ણ થવામાં અને પછી પોલિસીધારકને દાવો કરવામાં ઘણો સમય લાગતો હતો. જે બાદ વીમા કંપનીએ કલેમ વેરિફિકેશન અને અન્ય પ્રક્રિયાઓમાં પણ સમય પસાર કર્યેા હતો. આનો અર્થ એ થયો કે પોલિસી ધારકને પોલિસી જારી થયા પછી પણ થોડા સમય માટે સારવાર માટે પૈસાની વ્યવસ્થા કરવી પડી હતી. આને કારણે, આરોગ્ય વીમાનો એક મહત્વપૂર્ણ ઉદ્દેશ્ય પૂર્ણ થયો ન હતો, જે પોલિસી ધારકને રોગો સામે નાણાકીય સુરક્ષા આપવાનો છે.

 આને ધ્યાનમાં રાખીને, જીઆઈસીએ કેશલેસ સારવારના કિસ્સામાં નેટવર્ક પ્રતિબંધો દૂર કરવાનો નિર્ણય લીધો છે. કાઉન્સિલે દરેક જગ્યાએ કેશલેસ પહેલ શ કરતા પહેલા સામાન્ય અને આરોગ્ય વીમા કંપનીઓ સાથે પરામર્શ કર્યેા હતો. તે પછી, આ અભિયાન શ કરવાનો નિર્ણય લેવામાં આવ્યો, જેથી આરોગ્ય વીમા ધારકો નાણાકીય વ્યવસ્થાની ચિંતા કર્યા વિના કોઈપણ હોસ્પિટલમાં તેમની સારવાર મેળવી શકે.