રશિયન રાષ્ટ્રપતિ વ્લાદિમીર પુતિનના કાફલામાં એક કારમાં પ્રચંડ વિસ્ફોટ બાદ આગ લાગી ગઈ. આ ઘટના બાદ સમગ્ર વિસ્તારમાં અફડાતફડીનો માહોલ સર્જાયો હતો. સુરક્ષા દળોએ આ વિસ્તારમાં સુરક્ષા કડક બનાવી દીધી છે. આ ઘટના મધ્ય મોસ્કોમાં બની હોવાનું કહેવાય છે. જે કારમાં આગ લાગી તેનું નામ ઓરસ લિમોઝિન છે. આ કાર રશિયામાં બનાવવામાં આવે છે. કાર સળગાવવાનો વીડિયો સોશિયલ મીડિયા પર પણ વાયરલ થયો છે.

ગાડીમાં કોણ હતું? હજુ સુધી જાહેર કરવામાં આવ્યું નથી

અહેવાલ મુજબ, મોસ્કોના લુબ્યાન્કા સ્થિત FSB ગુપ્ત સેવાના મુખ્યાલય પાસે કારમાં આગ લાગી છે. અત્યાર સુધી અધિકારીઓએ કારમાં કોણ હતું અને આગ લાગવાનું કારણ શું છે તે અંગે કોઈ માહિતી આપી નથી. હજુ સુધી કોઈના ઘાયલ થવાના અહેવાલ નથી.

કારના એન્જિનમાં આગ લાગી

વાયરલ વીડિયોમાં જોવા મળી રહ્યું છે કે કારના એન્જિનમાં આગ લાગી છે. તે થોડી જ વારમાં અંદર ફેલાઈ જાય છે. ફાયર ફાઇટર આવે તે પહેલાં નજીકના રેસ્ટોરાં અને બારના સ્ટાફે આગ ઓલવવાનો પ્રયાસ કર્યો હતો. કારમાંથી ધુમાડાના ગોટેગોટા નીકળી રહ્યા છે. કારના પાછળના ભાગને પણ નુકસાન થયું છે.

પુતિને કિમ જોંગને આ કાર ભેટમાં પણ આપી છે

પુતિનના સત્તાવાર કાફલાનો ભાગ રહેલી ઓરસ લિમોઝીનની કિંમત £275,000 છે. પુતિન મોટાભાગે આ કારનો ઉપયોગ કરે છે. પુતિને આ કાર ઉત્તર કોરિયાના સરમુખત્યાર કિમ જોંગ ઉન સહિત ઘણા નેતાઓને ભેટમાં આપી છે.

ઝેલેન્સકીનો દાવો- પુતિન ટૂંક સમયમાં મૃત્યુ પામશે

ગયા બુધવારે, યુક્રેનિયન રાષ્ટ્રપતિ ઝેલેન્સકીએ એક ઇન્ટરવ્યુ આપ્યું હતું. માહિતી અનુસાર, ઝેલેન્સકીએ પુતિનના મૃત્યુની આગાહી કરી હતી. ઝેલેન્સકીએ દાવો કર્યો હતો કે પુતિનની તબિયત સારી નથી. તેમની તબિયત બગડી રહી છે. તે જલ્દી જ મૃત્યુ પામશે. યુદ્ધ પણ ટૂંક

સમયમાં સમાપ્ત થશે.