પોરબંદરમાં આઝાદી પર્વ નિમિત્તે અનુસૂચિત જાતિના આગેવાનો દ્વારા પોરબંદરના શહીદ વીરોને પુષ્પાંજલિ અર્પણ કરાઇ હતી.
દેશની રક્ષા-સુરક્ષામાં સરહદ ઉપર ફરજ બજાવતા જવાનોનું મહત્વનું યોગદાન છે અને દેશની રક્ષા કાજે શહીદ થનાર વિરોનું અનન્ય મહત્વ છે. ત્યારે પોરબંદર અનુસૂચિત જાતિ સમાજના આગેવાનો તાલુકા વણકર સમાજના પ્રમુખ અમરાભાઇ રાઠોડ, ઉપપ્રમુખ હીરાભાઇ સાદીયા, એડવોકેટ ગોવિંદભાઇ સાદીયા, મગનભાઇ સાદીયા, ચનાભાઇ પાંડાવદરા, જેન્તીભાઇ વાળા વગેરેએ પોરબંદરના શહીદ વીર જવાનો વીર શહીદ કિશોર ડોડીયા, વીર શહીદ રમેશ પરમાર, વીર શહીદ ચુડાસમા વગેરેની પ્રતિમાને આઝાદી પર્વ નિમિત્તે પુષ્પાંજલિ અર્પણ કરીને તેમના બલિદાનને યાદ કર્યુ હતુ.