ભારતે સરહદપાર આતંકવાદ પર પાકિસ્તાનને ચેતવણી આપવાણી સાથે ઘણા મોટા ડોઝ આપ્યા છે. આ અંતર્ગત ભારતે સિંધુ જળ સંધિ પણ મુલતવી રાખી છે જેની અસર હવે દેખાઈ રહી છે.હવે પાકિસ્તાનના પાણી માટે મોટું સંકટ ઊભું થયું છે.અનેક બંધ સુકાઈ ગયા અને જયારે વાવણીની મોસમ નજીક છે ત્યારે જ આ સ્થિતિ સર્જાતા લોકોને હાલત કફોડી બની છે.

લોહી અને પાણી એકસાથે વહી શકતા નથી

પાકિસ્તાનપહેલાથી જ ગરીબ છે અને ભીખ માંગીને જીવે છે. ભારતે છેલ્લા કેટલાક દિવસોમાં સિંધુ જળ સંધિને સ્થગિત કર્યા પછી, પરિસ્થિતિ વધુ ખરાબ થઈ ગઈ છે અને પાકિસ્તાનમાં પાણી માટે હાલાકી વધી રહી છે. દેશના ઘણા મોટા બંધ સુકાઈ જવાની આરે પહોંચી ગયા છે. પહેલગામમાં થયેલા આતંકવાદી હુમલા બાદ, ભારતે તાત્કાલિક અસરથી સિંધુ જળ સંધિને સ્થગિત કરી દીધી હતી, જેમાં પાકિસ્તાનને સરહદ પાર આતંકવાદ પર કડક ચેતવણી આપવામાં આવી હતી. વડા પ્રધાન નરેન્દ્ર મોદીએ પણ પુનરોચ્ચાર કર્યો છે કે લોહી અને પાણી એકસાથે વહી શકતા નથી.

ખરીફ પાકની વાવણીની મોસમમાં પાણીની અછત

નિષ્ણાતોના મતે, ખરીફ પાકની વાવણીની મોસમમાં પાણીની અછત પાકિસ્તાનની સમસ્યાઓમાં વધારો કરી રહી છે. દેશના બે મુખ્ય બંધ, ઝેલમ નદી પર મંગળા ડેમ અને સિંધુ નદી પર તરબેલા ડેમમાં પાણીના સ્તરમાં મોટો ઘટાડો થયો છે. આ ઉપરાંત, ભારત દ્વારા ચિનાબ નદીના પાણીના પ્રવાહ પર કરવામાં આવેલા ઘટાડાને કારણે પણ મુશ્કેલીઓ વધી છે.

માંગલા અને તરબેલા ડેમના જળ સંગ્રહમાં 50% ઘટાડો

એક અહેવાલમાં પાકિસ્તાનના સિંધુ નદી પ્રણાલી સત્તામંડળને ટાંકીને કહેવામાં આવ્યું છે કે પાકિસ્તાનના પંજાબ અને સિંધ પ્રાંતોમાં સિંચાઈ અને વીજળી ઉત્પાદન માટે માંગલા અને તરબેલા ડેમનું પાણી ખૂબ જ મહત્વપૂર્ણ છે. જોકે, તેમના સંગ્રહમાં લગભગ 50% ઘટાડો થયો છે. માહિતી અનુસાર, માંગલા ડેમમાં પાણીનું સ્તર હાલમાં 50% કરતા ઓછું છે. તેની કુલ ક્ષમતા 5.9 મિલિયન એકર ફૂટ છે, જ્યારે તેમાં ફક્ત 2.7 મિલિયન એકર ફૂટ પાણી બાકી છે. તે જ સમયે, તરબેલા ડેમની કુલ ક્ષમતા 11.6 મિલિયન એકર ફૂટ છે, જેમાં ફક્ત 6 મિલિયન એકર ફૂટ પાણી બાકી છે.

શાહબાઝે વાતચીતની વિનંતી કરી

આઈએસઆરએ પોતાના નિવેદનમાં ચિંતા વ્યક્ત કરી છે અને કહ્યું છે કે આવી સ્થિતિમાં, પાકિસ્તાને પાણીનો સમજદારીપૂર્વક ખર્ચ કરવો પડશે. પરિસ્થિતિ એટલી ગંભીર બની ગઈ છે કે પાકિસ્તાનના વડા પ્રધાન શાહબાઝ શરીફ પોતે આંતરરાષ્ટ્રીય મંચો પર પાણીનો મુદ્દો ઉઠાવી રહ્યા છે. શાહબાઝે પણ આ મુદ્દા પર ઘણી વખત વાતચીતની વિનંતી કરી છે. જોકે, ભારતે સ્પષ્ટપણે કહ્યું છે કે પાકિસ્તાન સાથે ફક્ત આતંકવાદ અને પોઓકે ના મુદ્દાઓ પર જ ચર્ચા કરવામાં આવશે.