બાંગ્લાદેશ હિંસાની આગમાં સળગી રહ્યું છે. હિંસા વચ્ચે સ્થિતિ ખૂબ જ ખરાબ થઈ ગઈ છે. હજારો લોકો રસ્તા પર ઉતરી આવ્યા અને સરકારી મિલકતોને આગ ચાંપી દીધી. આ દરમિયાન બાંગ્લાદેશના વડાપ્રધાન શેખ હસીનાને લઈને મોટા સમાચાર સામે આવ્યા છે.

સૂત્રોના જણાવ્યા અનુસાર, શેખ હસીનાનું વિમાન ગાઝીયાબાદના હિંડન એર બેઝ પર લેન્ડ થયું છે. પ્લેન સાંજે 5:36 કલાકે હિંડન એરબેઝ પર લેન્ડ થયું હતું. વાયુસેનાના વરિષ્ઠ અધિકારીઓએ શેખ હસીનાનું સ્વાગત કર્યું. શેખ હસીનાને લઈ જઈ રહેલા C 130J એરક્રાફ્ટને હિંડોનમાં ઉતરવાની પ્રાથમિકતા આપવામાં આવી છે.

નોકરીમાં અનામત નાબૂદ કરવા અને વડા પ્રધાન શેખ હસીના અને શાસક પક્ષના સમર્થકોના રાજીનામાની માગણી કરતા વિરોધીઓ વચ્ચે ફાટી નીકળેલી હિંસામાં 19 પોલીસકર્મીઓ સહિત 100 થી વધુ લોકો માર્યા ગયા હતા. સેંકડો લોકો ઘાયલ થયા છે. સ્થિતિ એટલી ખરાબ છે કે સમગ્ર દેશમાં અનિશ્ચિત સમય માટે કર્ફ્યુ લાદવામાં આવ્યો છે અને ઇન્ટરનેટ પર પ્રતિબંધ લગાવી દેવામાં આવ્યો છે. હવે દેશભરમાં સેના તૈનાત છે.

ભારતમાં બાંગ્લાદેશ હાઈ કમિશનની સુરક્ષા વધારી દેવામાં આવી

રાજધાની દિલ્હીમાં બાંગ્લાદેશ હાઈ કમિશનની સુરક્ષા વધારી દેવામાં આવી છે. અહીં કાયદો અને વ્યવસ્થાની સ્થિતિ જાળવી રાખવા માટે ચાણક્યપુરી પોલીસ સ્ટેશનના 20થી વધુ કર્મચારીઓને બાંગ્લાદેશ હાઈ કમિશનના ગેટ પર તૈનાત કરવામાં આવ્યા છે. પોલીસે અહીં બેરીકેટ્સ ગોઠવી દીધા છે