નાગેશ્ર્વર કોલોનીમાં એકી-બેકીનો જુગાર : રોકડ કબ્જે

જામનગરના ત્રણ દરવાજા મીઠાવાળી ગલીમાં ઘોડીપાસાનો જુગાર રમતા બે શખ્સ ઝપટમાં આવ્યા હતા, જયારે નાગેશ્ર્વર કોલોનીમાં એકી-બેકીનો જુગાર રમતા બે શખ્સને દબોચી લેવાયા હતા.
ત્રણ દરવાજા પાસે મીઠાવાળી ગલીમાં જાહેરમાં ઘોડીપાસાનો જુગાર રમતા વાઘેરવાડો મચ્છીપીઠમાં રહેતા ઇબ્રાહીમ મુસા બશર અને નાગનાથ નાકા મેઘવાર વાસમાં રહેતા કિશન બાના ગડણ આ બંનેને રોકડા ૬૦૦ તથા પાસા સાથે સીટી-બી પોલીસે દબોચી લીધા હતા.
અન્ય દરોડામાં નાગેશ્ર્વર કોલોની, ચાની કેબીન પાસે જાહેરમાં ચલણી નોટના નંબર પર એકી-બેકીનો જુગાર રમતા નાગેશ્ર્વર કોલોનીના મહેશ સવજી ડોણાશીયા અને વિજય સુખા મકવાણા આ બંનેને સીટી-બી પોલીસે રોકડા ૬૬૦ સાથે પકડી લીધા હતા.
***
મીઠાપુર નજીક જુગાર રમતા ત્રણ શખ્સો ઝબ્બે
મીઠાપુર નજીકના મોજપ ગામેથી પોલીસે જાહેરમાં ગંજીપત્તા વડે જુગાર રમી રહેલા ગુમાનભા રણજીતભા સુમણીયા, પ્રવીણભા લધુભા કુંભાણી અને વિરમભા જીવાભા કુંભાણી નામના ત્રણ શખ્સોને ઝડપી લઇ, રૂપિયા ૧,૨૧૦ નો મુદ્દામાલ કબજે કર્યો હતો.