ઉત્તર પશ્ચિમ રેલવેના ગાંધીનગર-જયપુર સ્ટેશન યાર્ડમાં એન્જિનિયરિંગ કાર્ય માટે બ્લોક લેવાને કારણે રાજકોટ ડિવિઝનમાંથી પસાર થતી ટ્રેન નંબર ૧૯૨૬૯ પોરબંદર - મુઝફ્ફરપુર એક્સપ્રેસ બદલાયેલા રૂટ પર ચાલશે. વિગતો નીચે મુજબ છે:

આજે ૬ જૂન, ૨૦૨૫ની ટ્રેન નંબર ૧૯૨૬૯ પોરબંદર- મુઝફ્ફરપુર એક્સપ્રેસ તેના નિર્ધારિત માર્ગ ફુલેરા- જયપુર- રેવાડીને બદલે બદલાયેલા માર્ગ વાયા ફુલેરા- રિંગસ- રેવાડી થઈને ચાલશે. આ માર્ગ પરિવર્તન દરમિયાન, આ ટ્રેન બદલાયેલા માર્ગ પર રિંગસ, માધોપુર, નીમ કા થાણા, નારનૌલ અને અટેલી સ્ટેશનો પર ઊભી રહેશે. આ ટ્રેનના યાત્રીઓ ઉપરોક્ત ફેરફારને ધ્યાનમાં રાખીને યાત્રા કરે તેમ જણાવાયું છે.

પશ્ચિમ રેલવે દ્વારા રાજકોટ ડિવિઝનમાંથી પસાર થતી રાજકોટ- લાલકુઆં અને લાલકુઆં-રાજકોટ સ્પેશિયલ ટ્રેનોમાં મુસાફરોના રહેતા ટ્રાફિકને કારણે કાયમી ધોરણે બે વધારાના જનરલ કોચ જોડવાનો નિર્ણય લેવામાં આવ્યો છે. જેમાં અઃટ્રેન નંબર ૦૫૦૪૬/ ૦૫૦૪૫ પૈકી નં. ૦૫૦૪૬ રાજકોટ- લાલકુઆં સાપ્તાહિક સમર સ્પેશિયલ ટ્રેનમાં રાજકોટથી ૦૯ જૂન, ૨૦૨૫ થી અને નં. ૦૫૦૪૫માં લાલકુઆંથી ૦૮ જૂન, ૨૦૨૫થી બે વધારાના જનરલ ક્લાસના કોચ જોડવામાં આવશે.