લાખો કેન્દ્ર સરકારના કર્મચારીઓ અને પેન્શનરો માટે સારા સમાચાર છે. શુક્રવારે, કેન્દ્રીય મંત્રીમંડળે સરકારી કર્મચારીઓ માટે DAમાં 2% વધારો મંજૂર કર્યો છે. આ વધારા સાથે, DA હવે 53% થી વધીને 55% થશે. આનાથી કર્મચારીઓને તેમના પગારમાં ફાયદો થશે. આ લાભ 8મા પગાર પંચ પહેલા ઉપલબ્ધ થશે. આનાથી એક કરોડથી વધુ કેન્દ્ર સરકારના કર્મચારીઓ અને પેન્શનરોને ફાયદો થશે. સરકાર તેના કર્મચારીઓના ડીએમાં વર્ષમાં બે વાર વધારો કરે છે. આ વધારો જાન્યુઆરી અને જુલાઈથી અમલમાં આવશે. પેન્શનરોને મોંઘવારી રાહત (DR) મળે છે. આ સાત વર્ષમાં સૌથી ઓછો વધારો છે. અગાઉ, જુલાઈ 2018માં 2% નો વધારો થયો હતો.

કેન્દ્ર સરકારે ગયા વર્ષે ઓક્ટોબરમાં તેના કર્મચારીઓના ડીએમાં 3%નો વધારો કર્યો હતો. તે પહેલાં, માર્ચમાં તેમાં 4%નો વધારો કરવામાં આવ્યો હતો. મોંઘવારી ભથ્થું ઓલ ઈન્ડિયા કન્ઝ્યુમર પ્રાઈસ ઇન્ડેક્સના આધારે નક્કી કરવામાં આવે છે. આ માટે એક નિશ્ચિત સૂત્ર છે. સરકાર આ સૂચકાંકના છેલ્લા 12 મહિનાના ડેટાના આધારે DA અને DR ના દર નક્કી કરે છે. દેશમાં લગભગ ૪૮.૬૭ લાખ કેન્દ્રીય કર્મચારીઓ અને લગભગ ૬૭.૯૫ લાખ પેન્શનરો છે.

પગાર કેટલો વધશે?
જો કોઈ કર્મચારીને દર મહિને ૩૬,૫૦૦ રૂપિયાનો મૂળ પગાર મળે છે, તો હાલમાં તેનો ડીએ ૧૯,૩૪૫ રૂપિયા છે. ડીએમાં બે ટકાના વધારા પછી, તેમનો ડીએ વધીને રૂ. 20,075 થશે. આ સાથે જાન્યુઆરીથી બાકી રકમ પણ આપવામાં આવશે. તેવી જ રીતે, જો પેન્શનરનું મૂળ પેન્શન 9,000 રૂપિયા હોય, તો તેને DR તરીકે 4,770 રૂપિયા મળે છે. ડીઆરમાં 2% વધારા પછી, તેમને મોંઘવારી રાહત તરીકે રૂ. 4,950 મળશે.

2 મહિનાનું એરિયર્સ મળશે
સરકારે માર્ચ મહિનામાં મોંઘવારી ભથ્થામાં વધારાની જાહેરાત કરી છે. આવા કિસ્સામાં, બે મહિનાના બાકી પગારને એકસાથે ઉમેરીને માર્ચ મહિનાના પગાર સાથે આપવામાં આવશે. જાન્યુઆરી અને ફેબ્રુઆરીની સાથે, માર્ચ મહિનાનો મોંઘવારી ભથ્થું પણ પગારમાં ઉમેરીને કર્મચારીઓના ખાતામાં મોકલવામાં આવશે. જો કોઈપણ કેન્દ્ર સરકારી કર્મચારીનો મૂળ પગાર 19,000 રૂપિયા હોય, તો તેને મોંઘવારી ભથ્થા તરીકે 10,070 રૂપિયા મળશે. હવે 2 ટકાના વધારા બાદ આ ભથ્થું 10,450 રૂપિયા થઈ ગયું છે.

શું હોય છે મોંઘવારી ભથ્થું?
મોંઘવારી ભથ્થું એવું નાણું છે, જે સરકારી કર્મચારીઓને મોંઘવારી વધવા છતાં તેમનું જીવનધોરણ જાળવી રાખવા માટે આપવામાં આવે છે. આ નાણાં સરકારી કર્મચારીઓ, જાહેર ક્ષેત્રના કર્મચારીઓ અને પેન્શનધારકોને આપવામાં આવે છે. દેશની વર્તમાન મોંઘવારી પ્રમાણે દર 6 મહિને તેની ગણતરી કરવામાં આવે છે. એ સંબંધિત પગાર ધોરણના આધારે કર્મચારીઓના મૂળ પગાર અનુસાર ગણવામાં આવે છે. શહેરી, અર્ધ-શહેરી અથવા ગ્રામીણ વિસ્તારોમાં કર્મચારીઓ માટે મોંઘવારી ભથ્થું અલગ હોઈ શકે છે.

DA પછી કેટલો ફાયદો થશે?
આ માટે તમારો પગાર નીચેની ફોર્મ્યુલામાં ભરો..(બેસિક પે+ ગ્રેડ પે) × DA % = DA રકમ જો તમે સાદી ભાષામાં સમજો છો તો મોંઘવારી ભથ્થાનો દર પગારમાં ગુણાકાર થાય છે જે મૂળ પગારમાં ગ્રેડ પગાર ઉમેર્યા પછી કરવામાં આવે છે. જે પરિણામ આવે છે એને ડિયરનેસ એલાઉન્સ (DA) કહેવાય છે. હવે તેને એક ઉદાહરણથી સમજીએ, ધારો કે તમારો મૂળ પગાર 10 હજાર રૂપિયા છે અને ગ્રેડ પે 1000 રૂપિયા છે.

બંનેને ઉમેરવા પર કુલ 11 હજાર રૂપિયા થઈ ગયા. હવે વધેલા 42% મોંઘવારી ભથ્થાના સંદર્ભમાં એ 4,620 રૂપિયા થાય છે. તમારી કુલ સેલરી રૂ. 15,620 થઈ. અગાઉ, 38% DAના સંદર્ભમાં, તમને 15,180 રૂપિયાનો પગાર મળતો હતો, એટલે કે DAમાં 4%નો વધારો કર્યા બાદ દર મહિને 440 રૂપિયાનો ફાયદો થશે.