પોરબંદર જિલ્લામાં ખનીજનું ગેરકાયદેસર વહન કરતા ૯૪ લાખના વાહનો તંત્ર એ પકડી પાડ્યા છે 
કલેકટર પોરબંદરની સૂચના તથા ભૂસ્તરશાસ્ત્રીના માર્ગદર્શન હેઠળ મદદનીશ ભુસ્તર શાસ્ત્રી પોરબંદર તથા તપાસ ટીમ દ્વારા કુતિયાણા તાલુકાના કોટડા ગામે સરકારી વાહનની મદદથી તપાસ હાથ ધરવામાં આવેલ. તપાસ દરમ્યાન ભાદર નદી કાંઠે સાદી રેતી ખનિજનું ગેરકાયદેસર રીતે વહન કરવાના ઇરાદા સહ આવેલ કુલ ૫ ડમ્પર વાહનોને ઝડપી લેવામાં આવેલ તેમજ તમામ વાહનોને સીઝ કરી કુતિયાણા પોલીસ સ્ટેશનની કસ્ટડીમાં રાખવામાં આવેલ તેમજ પોરબંદર તાલુકાના રાતડી તપાસ દરમ્યાન રાતડી ગામ તરફ જવાના રસ્તા પર બે ટ્રક  ટ્રક ને બિલ્ડીંગ લાઈમસ્ટોન ખનીજ ના ગેરકાયદેસર વહન સબબ અને એક ટ્રક બિલ્ડીંગ લાઈમ્સ્ટોન ખનીજના ઓવરલોડ વહન સબબ વાહનોને ઝડપી લેવામાં આવેલ તેમજ તમામ વાહનોને સીઝ કરી મિયાંણી મરીન પોલીસ સ્ટેશનની કસ્ટડીમાં રાખવામાં આવેલ તેમજ જવાબદાર વાહન માલિક સંડોવાયેલ તમામ ઇસમો સામે આગળની નિયમોનુસારની કાર્યવાહી કરવા તજવીજ હાથ ધરવામાં આવેલ છે. કુલ મુદ્દામાલની અંદાજિત કિંમત ૯૪ લાખ છે.