પોરબંદરના ખારવાવાડ વિસ્તારમાં જલારામ મંદિર પાસે રહેતા યુવાને મચ્છર મારવાની ઝેરી દવા પી જિંદગી ટુંકાવી લેતા ભારે અરેરાટી ફેલાય છે.
પોરબંદરના કમલાબાગ નજીક જ્ઞાનજ્યોત વાળી ગલીમાં રહેતા અનિલ ભીમજીભાઇ ગોહેલ નામના યુવાને કિર્તિમંદિર પોલીસ મથકમાં એવું જાહેર કર્યું છે કે,તેના મોટાભાઈ જીતેન્દ્રભાઈ ભીમજીભાઇ ગોહેલ (ઉ.વ.૪૫) કે જેઓ ખારવાવાડના જલારામ મંદિર પાસે આવેલા તેમના જુના ઘરે હતા તેણે કોઈ અગમ્ય કારણોસર મચ્છર મારવાની ઝેરી દવા પી લીધી હતી અને  તેમને હોસ્પિટલે ખસેડવામાં આવ્યા હતા જ્યાં તેમનું મૃત્યુ થયું હોવાનું જાહેર કરવામાં આવતા પોસ્ટમોર્ટમ સહિત પોલીસની વિધિ કરવામાં આવી હતી. આગળની તપાસ કીર્તિમંદિર પોલીસે હાથ ધરી છે.