રાજકોટ

ઉનાના તડ ચેક પોસ્ટ પાસે ગઈકાલે સાંજે બે બાઈક વચ્ચે અકસ્માત સર્જાતા બંને ચાલકોને ઇજા થઇ હતી જેમાં એક યુવકને વધુ ઇજા થવાથી રાજકોટ સિવિલ હોસ્પિટલમાં ખસેડવામાં આવતા તેનું મોત નીપજ્યું હતું. યુવકના મોતથી પરિવારમાં ગમગીની છવાઈ હતી.

પ્રાપ્ત વિગત મુજબ ઉનાના તળ ગામે રહેતા પિયુષભાઈ અરજણભાઈ વાળા (ઉ.વ.32)ના ગઈકાલે સાંજે આઠેક વાગ્યે મોટરસાઇકલ લઈ જતા હતા ત્યારે તળ ચેઓંક પોસ્ટ પાસે સામેથી આવતી મોટરસાઇકલ પીયૂષભાઈના બાઈક સાથે અથડાતા અકસ્માત સર્જાયો હતો. જેમાં યુવકને ગંભીર ઇજા થતા સારવાર માટે પ્રથમ ઉના અને ત્યાંથી વધુ સારવાર માટે રાજકોટ સિવિલ હોસ્પિટલમાં ખસેડવામાં આવતા દમ તોડી દીધો હતો. બનાવ અંગે હોસ્પિટલ ચોકીના સ્ટાફે નવાબંદર પોલીસને જાણ કરતા પોલીસ સ્ટાફે હોસ્પિટલ પહોંચી જરૂરી કાર્યવાહી કરી હતી. મૃતક માછીમારી કરી ગુજરાન ચલાવતા હતા. સંતાનમાં બે પુત્રી છે અને માતા-પિતા હયાત નથી. પરિવારના આધરસ્તભ યુવકના મોતથી પરિવારમાં કલ્પાંત સર્જાયો હતો. આગળની કાર્યવાહી નવાબંદર પોલીસે હાથ ધરી છે.