જામનગર:નાઘેડી કુમાર શાળામાં બ્લડ ગ્રુપ ચકાસણી અને બ્લડ ડોનેશન કેમ્પ યોજાયો

જામનગર:નાઘેડી કુમાર શાળામાં રોટરી ક્લબ છોટી કાશી જામનગર  તથા  સરસ્વતી બ્લડ બેન્ક જામનગરના સંયુક્ત આયોજનના ઉપક્રમે વિદ્યાર્થીઓના બ્લડ ગ્રુપ ચકાસણી અને બ્લડ ડોનેશન કેમ્પ યોજવામાં આવેલ. નાઘેડી કુમાર શાળાના આશરે 250 વિદ્યાર્થીઓના બ્લડ ગ્રુપની ચકાસણી કરવામાં આવી તથા નાઘેડી  ગ્રામજનો દ્વારા બ્લડ ડોનેશન કરવામાં આવેલ. આ કેમ્પમાં રોટરી ક્લબ છોટી કાશીના ડૉ.બ્રિજેશભાઈ રૂપારેલીયા, હમીરભાઇ ઓડેદરા , હરીશભાઈ કેશવાલા , સોનલબેન કેશવાલા ,ભગીરથસિંહ ઝાલા તથા ગામના સરપંચ  સુરેશભાઈ બાંભવા ના ભગીરથ સહયોગથી કેમ્પ કરવામાં આવેલ. જેમાં શાળાના આચાર્ય પૂજાબેન ઠાકરના પ્રેરણા સહયોગ હેઠળ અને શાળા શિક્ષકોમાં  રવીન્દ્રકુમાર પાલ, ભારતીબેન શિંગડીયા, દ્રુમિલભાઈ પંડ્યા, સહદેવસિંહ જાડેજા, અશ્વિનભાઈ કુનળીયા, પૂર્વીબેન વોરા, સેજલબેન કરમુર, જયશ્રીબેન જાગાણી,દિવ્યાબા જાડેજાએ સહકાર આપી કાર્યક્રમને સફળ બનાવ્યો હતો.