પોલીસ મહાનિરીક્ષક ગૌતમ પરમાર,ભાવનગર રેન્જ,ભાવનગર અને પોલીસ અધિક્ષક ડો. હર્ષદ પટેલે ભાવનગર, લોકલ ક્રાઇમ બ્રાન્ચ નાં પોલીસ ઇન્સ. એ.આર.વાળા અને એલ.સી.બી.ના અધિકારી-માણસોને ગુનેગારો પર વોચ રાખવા તેમજ હથિયારને લગતાં કેસો શોધી કાઢવા માટે સુચના આપી હતી.
  જે સૂચના હેઠળ ભાવનગર એલ.સી.બી. સ્ટાફના માણસો અલંગ મરીન પોલીસ મથક  વિસ્તાર માં પેટ્રોલીંગમાં હતાં. તે દરમિયાન બાતમી મળેલ કે, એક શખ્સ દેશી હાથ બનાવટી જામગરી બંદુક સાથે મથાવડા ગામના ઢાળના પુલ પર ઉભેલ છે. જે બાતમી આધારે તપાસ કરતાં મિલન જમનાદાસ દેવમુરારી (ઉ.વ.૨૦ ધંધો.મજુરી રહે.મથાવડા તા.તળાજા જી.ભાવનગર)ને ઝડપી લઈ  લાકડાની તથા ધાતુની બનેલ ત્રણ ફુટ અને નવ ઇંચ લંબાઇની ફાયર થઇ શકે તેવી બંદુક કિં.રૂ.૨,૦૦૦નો મુદ્દામાલ કબ્જે કર્યો હતો.
આ કામગીરીમાં પોલીસ ઇન્સ. એ.આર.વાળાના માર્ગદર્શન હેઠળ તથા એલ.સી.બી. સ્ટાફનાં અરવિંદભાઇ બારૈયા, અશોકભાઇ ડાભી, તરૂણભાઇ નાંદવા, પ્રવિણભાઇ ગળસર તેમજ  પ્રજ્ઞેશભાઇ પંડયા સહિતના જોડાયા હતા.