૧૩૮ ગ્રામ ગાંજો કબ્જે : કયાંથી મેળવ્યો એ દિશામાં પોલીસની તપાસ

રાજસ્થાન રાજ્યના ઉદયપુર જિલ્લાના ગિંગલા તાલુકાના મૂળ વતની અને હાલ ખંભાળિયા તાલુકાના સિધ્ધપુર ગામે રહેતા અને કલર કામ કરતા મુકેશ અંબાલાલ ખીમજી કાલબેલિયા નામના ૨૬ વર્ષના યુવાને પોતાના અંગત ફાયદા માટે તેના કબજા ભોગવટાના રહેણાંક મકાનમાં છુપાવીને રાખવામાં આવેલો ૧૩૮ ગ્રામ ગાંજાનો જથ્થો એસ.ઓ.જી. પોલીસે પકડી પાડ્યો હતો.
આ પ્રકરણમાં પોલીસે ૧,૩૮૦ ની કિંમતના ગાંજા સાથે આરોપી મુકેશ કાલબેલિયાની અટકાયત કરી, તેની સામે એન.ડી.પી.એસ. એક્ટની કલમ હેઠળ ગુનો નોંધ્યો છે. આ પ્રકરણ અંગે આગળની તપાસ ખંભાળિયાના પી.એસ.આઈ. આઈ.આઈ. નોયડા દ્વારા હાથ ધરવામાં આવી છે.