પ્રાપ્ત વિગત મુજબ મળું સાજડીયારી અને હાલ લોઠડા ગામે રહેતા અને નજીકમાં આવેલા પૂઠાના કારખાનામાં મજૂરી કામ કરતા સુનિલ જેન્તીભાઇ મકવાણા (ઉ.વ.25) અને તેની સાથે કામ કરતો મૂળ બિહારનો વાતની સૌરભ પવનભાઈ બિહારી (ઉ.વ.35) નામના બંને યુવક ગઈકાલે રાત્રે લોઠડા કારખાનામ નાઈટ ડ્યુટી પુરી કરી ત્રણ સાથી મિત્રો છુટા થયા હતા બાદમાં બાઇકમાં એક મિત્રને કિશાનપંપ પાસે ઉતારી પરત લોઠડા જઈ રહ્યા હતા ત્યારે કોઠારિયા ફાટક પાસે ટ્રેન અડફેટે ચડી જતા બંનેના ઘટના સ્થળે જ કરુણ મોત નિપજ્યા હતા. વહેલી સવારે પસાર થતા વાહન ચાલકે બે યુવકોના મૃતદેહ જોતા પોલીસને જાણ કરી હતી. બનાવની જાણ થતા આજીડેમ અને રેલવે પોલીસ ઘટના સ્થળે પહોંચી બંને યુવકની ઓળખ મેળવી મૃતદેહને પીએમ માટે ખસેડી બનાવ અંગેની તપાસ હાથ ધરી છે.