કોટડાસાગાંણી તાલુકાના રાજગઢ ખાંડાધાર માર્ગ પર રાત્રિના બે બાઈક વચ્ચે ગમખ્વાર અકસ્માત સર્જાયો હતો. અકસ્માતમાં બે બાઈક સામસામે અથડાતા 2 યુવકોના મોત નીપજ્યા છે જ્યારે અને એક યુવક ગંભીર રીતે ઈજાગ્રસ્ત થયો છે.

અકસ્માતનો ભોગ બનેલા ઈજાગ્રસ્ત અને મૃતક યુવકોના મૃતદેહોને ગોંડલ સરકારી હોસ્પિટલ ખસેડવામાં આવ્યા હતા. ઈજાગ્રસ્ત કિશન પડાળિયા (ઉં.વ.23)નામના યુવકની હાલત ગંભીર જણાતા વધુ સારવાર અર્થે રાજકોટ ખસેડવામાં આવ્યો છે.

મૃતક બન્ને યુવાકોમાં રોહિત દીપકભાઈ રાઠોડ (ઉં.વ. 24) રહે. રામોદ અને કરણભાઈ કમલેશભાઈ દિવેચા (ઉં.વ. 28) રહે. રાજકોટ મૂળ. રામપરા- નવાગામના હોવાની વિગતો સામે આવી છે. અકસ્માતની ઘટનાની જાણ થતાં કોટડા સાગાંણી પોલીસે ગોંડલ સિવિલ હોસ્પિટલ ખાતે દોડી જઈને તપાસ હાથ ધરી છે.

હોસ્પિટલ ખાતે મોટી સંખ્યામાં સગા સંબંધી અને મિત્રો સહિતના લોકો એકઠા થયા હોવાની પણ વિગતો સામે આવી છે.