૬ બિયરના ટીન, ૧૦ બોટલ, એકસેસ બાઇક અને મોબાઇલ જપ્ત

જામનગરના ખોડીયાર કોલોની રાજ ચેમ્બર પાસે બે શખ્સો બિયરના ૬ ટીન સાથે ઝપટમાં આવ્યા હતા જેમા સપ્લાયરનું નામ ખુલ્યુ હતું, દરમ્યાન પોલીસે સપ્લાયરને ત્યા દરોડો પાડી શરાબની ૯ બોટલ કબ્જે લીધી હતી અને સિકકા એમટીએફ ગેઇટની આગળ એક શખ્સને દારુની બાટલી સાથે દબોચી લીધો હતો.
જામનગરના ખોડીયાર કોલોનીના રાજ ચેમ્બર પાસેથી બાઈકમા પસાર થતા વિશાલ હોટલ સામે રહેતા પ્રતીકસિંહ અનિરુદ્ધસિંહ જાડેજા અને સાયોના શેરીમાં રહેતા રાજેન્દ્રસિંહ રણજીતસિંહ ચાવડાને પોલીસે આંતરીને તેમની તલાશી લેતા તેઓના કબ્જા માંથી ૬૦૦ની કિંમતના ૬ નંગ બિયરના ટીન મળી આવ્યા હતા.આથી પોલીસે બિયર, બાઈક નં. જીજે૧૦ડીડી-૨૧૬૨ અને બે મોબાઇલ મળી ૬૦૬૦૦નો મુદામાલ કબ્જે કરી બંનેની અટકયત કરી હતી તેઓની પુછપરછ મા જયેશ માતંગનું નામ ખુલવા પામ્યું હતું.
આ પછી પોલીસે ખોડીયાર કોલોની રાધેશ્યામ-૩ પહેલા માળે રહેતા જયેશ  પ્રવિણ માતંગના ઘરે દરોડો પાડયો હતો. જયાં મકાનમાંથી ૯ બોટલ દારૂ મળી આવતા પોલીસે દારૂ સાથે આરોપીને ઝડપી લીધી હતો.
આ ઉપરાંત સિકકા ભગવતી સોસાયટીમાં રહેતા વિજય જયંતી રાઠોડ નામના રીક્ષા ડ્રાઇવર પાસેથી દારુની એક બોટલ મળી આવતા સિકકા પોલીસે અટકાયત કરી હતી.