જામનગરના શરુ સેકશન રોડ પર બે દિવસ પહેલા કારના ચાલકે બાઇકને પાછળથી ઠોકર મારી દંપતિને ઇજા પહોચી હતી.
જામનગરના તમાચણ ગામમાં રહેતા જેરામ મોહનભાઇ મકવાણા (ઉ.વ.૪૨) તથા તેમના પત્ની સોનલબેન બંને ગત તા. ૧૭ના રોજ સાઇન મોટરસાયકલ નં. જીજે૧૦ડીએસ-૭૬૫૯માં બેસીને જતા હતા ત્યારે જામનગરના શરુ સેકશન રોડ, ગાયત્રી મંદિર પાસેના મેઇન રોડ પર પહોચતા હુન્ડાઇ ફોરવ્હીલ કાર નં. જીજે૧૦ડીએન-૫૬૩૬ના ચાલકે બેદરકારીથી ચલાવી બાઇકને પાછળથી ઠોકર મારી હતી.
આ અકસ્માતમાં જેરામભાઇને ખભા, માથા, હાથના ભાગે તથા ફરીયાદીના પત્નીને પગમાં ફ્રેકચર અને વાંસા, માથાના ભાગે મુંઢ ઇજા પહોચાડી કારચાલક નાશી છુટયો હતો, બંનેને સારવારમાં ખસેડવામાં આવ્યા હતા, દરમ્યાન જેરામભાઇ મકવાણાએ આ બનાવ અંગે સીટી-બીમાં કારચાલક સામે ફરીયાદ કરી હતી.