સપ્લાયરનું નામ ખુલ્યુ : નિકાવામાં શરાબની બોટલ સાથે એકની અટક : બાવરીવાસમાં દેશી દારૂ અંગે દરોડો

જામનગરના ખેતીવાડી સામે ઇન્દીરા કોલોની, શેરી નં. 2માં એક બાતમી આધારે પોલીસે દરોડો પાડી ઇંગ્લીશ દારૂની 40 બોટલ સાથે એક શખ્સને પકડી લીધો હતો, જયારે એકનું નામ ખુલ્યુ હતું. ઉપરાંત કાલાવડના નિકાવા નજીક દારૂની બોટલ અને વાહન સાથે ચારણ પીપળીયાનો શખ્સ ઝપટમાં આવ્યો હતો, તેમજ શહેરના બાવરીવાસ પાસે દેશી દારૂ અંગે દરોડો પાડવામાં આવ્યો હતો.

જામનગરના ખેતીવાડી સામે આવેલી ઇન્દીરા કોલોની શેરી નં. 2માં રહેતા, ડ્રાઇવીંગ કરતા દિલીપ મંગા સુરડીયા નામના શખ્સના રહેણાંક મકાને સીટી-સી ડીવીઝને બાતમી આધારે ગઇકાલે દરોડો પાડયો હતો, દરોડા દરમ્યાન અંગ્રેજી દારૂની 40 બોટલ કિ. 20 હજાર સાથે પકડી લીધો હતો, જયારે તપાસ દરમ્યાન આ દારૂનો જથ્થો જામનગરના બિપીન ઉર્ફે લાકડી કારા મુછડીયાએ પુરો પાડયો હતો. જેને ફરાર જાહેર કરવામાં આવ્યો છે.

અન્ય દરોડામાં કાલાવડના ચારણ પીપળીયા ગામમાં રહેતા અજય રાખસીયા નામના શખ્સને ઇંગ્લીશ દારૂની એક બોટલ તથા વાહન સાથે નિકાવા પાસેથી નીકળતા ગ્રામ્ય પોલીસે પકડી પાડી કુલ 15500 નો મુદામાલ જપ્ત કર્યો હતો. આ ઉપરાંત જામનગરના ખુલ્લી ફાટક બાવરીવાસ ખાતે રહેતી બેજવંતી વિજય કોળીના રહેણાંકે પોલીસે દરોડો પાડી પાંચ લીટર દેશી દારૂ, 40 લીટર આથો, ભઠ્ઠીના સાધનો કબ્જે કયર્િ હતા.