વાંકાનેર શહેર નજીક ચંદ્રપુર ગામ પાસે નુરાની કોમ્પલેક્ષ સામે નેશનલ હાઇવે પર ડિવાઇડરે રોડ ક્રોસ કરવા જતાં એક સાયકલચાલકને પુર ઝડપે આવતા ટ્રક ટેઇલરના ચાલકે હડફેટે લેતાં ગમખ્વાર અકસ્માત સર્જાયો હતો. જેમાં ટ્રકના તોતીંગ વ્હીલ નીચે ચગદાઇ જવાથી યુવાનનું મોત થયું હોવાનો બનાવ સામે આવ્યો છે. બનાવની પ્રા વિગતો મુજબ વાંકાનેર શહેર નજીક ચંદ્રપુર પાસે નેશનલ હાઇવે પર આવેલ નુરાની કોમ્પલેક્ષ સામે સાયકલ પર રોડ ક્રોસ કરવા જતાં એક યુવાનને વાંકાનેર તરફથી પુરઝડપે આવતા ટ્રક ટ્રેઇલર નં.આરજે–૦૪જીસી–૩૨૭૨ના ચાલકે હડફેટે લેતાં ગંભીર અકસ્માત સર્જાયો હતો. જેમાં અકબરભાઇ સલેમાનભાઇ રતનીયા (ઉ.વ.૨૫, રહે.કેરાળા તા.વાંકાનેર) નામના યુવાનના શરીર પર ટ્રકના તોતીંગ વ્હીલ ફરી વળતા ચગદાઇ જવાથી યુવાનનું ઘટનાસ્થળે જ કમકમાટીભયુ મોત થયું હતું. બનાવની જાણ થતાં જ વાંકાનેર સીટી પોલીસના કાફલો ઘટનાસ્થળે દોડી ગયો હોવાની માહીતી મળી છે