અલીગઢના ટપ્પલ પોલીસ સ્ટેશન વિસ્તારમાં યમુના એકસપ્રેસ વે પર ગઈકાલે રાત્રે એક ટ્રક અને બસ વચ્ચે અથડામણ થઈ હતી. આ અકસ્માતમાં પાંચ લોકોના મોત થયા છે, યારે અનેક લોકો ઘાયલ હોવાનું કહેવાય છે. યમુના એકસપ્રેસ વે પર ખાનગી બસ ટ્રક સાથે અથડાઈ હતી. ખાનગી બસ દિલ્હીથી આઝમગઢ જઈ રહી હતી.
આ અકસ્માત અંગે માહિતી આપતાં અલીગઢ પોલીસે જણાવ્યું કે, ટપ્પલ પોલીસ સ્ટેશન વિસ્તારમાં ગઈકાલે રાત્રે થયેલા અકસ્માતની માહિતી મળતાં જ પોલીસની ટીમ તાત્કાલિક ઘટનાસ્થળે પહોંચી, રાહત અને બચાવ કાર્ય હાથ ધયુ અને ઘાયલોને સારવાર માટે હોસ્પિટલમાં મોકલ્યા હતા. અકસ્માતમાં જીવ ગુમાવનારા પાંચ મૃતકોના મૃતદેહને પોસ્ટમોર્ટમ માટે મોકલી આપવામાં આવ્યા હતા. આ મામલે કાયદેસરની કાર્યવાહી હાથ ધરવામાં આવી હતી. ટ્રાફિક વ્યવસ્થા સુવ્યવસ્થિત છે. સ્થળ પર શાંતિ જળવાઈ રહી છે. દુખદ ઘટના પર શોક વ્યકત કરવામાં આવ્યો હતો.
મુખ્યમંત્રી યોગી આદિત્યનાથે અલીગઢ અકસ્માતની નોંધ લીધી છે. મુખ્યમંત્રીએ મૃતકોના શોકગ્રસ્ત પરિવારો પ્રત્યે સંવેદના વ્યકત કરી છે. મુખ્યમંત્રીએ જિલ્લા વહીવટીતંત્રના અધિકારીઓને ઘટનાસ્થળે પહોંચીને રાહત કાર્યને ઝડપી બનાવવાનો નિર્દેશ આપ્યો હતો