ચોરીના આ બનાવની જાણવા મળતી વિગતો મુજબ, રૈયા ટેલિફોન એક્સચેન્જ નજીક સોમનાથ સોસાયટી-3 માં રહેતા વિપુલભાઇ બટુકભાઈ નિરંજની(ઉ.વ ૪૫) નમના વેપારીએ ગાંધીગ્રામ પોલીસ સ્ટેશનમાં નોંધાવેલી ફરીયાદમાં જણાવ્યું હતું કે, તે રૈયા રોડ પર બ્રહ્મસમાજ ચોક પાસે નચીકેતા ઇલેક્ટ્રીક નામે ઇલેક્ટ્રોનીક ટુલ્સની દુકાન ધરાવે છે સાથોસાથ અહીંથી જ મની ટ્રાન્સફરનુ કામ કરે છે.

ગઇ તા.૦૪/૦૬/૨૦૨૫ ના રાત્રીના આશરે આઠ વાગ્યાં આસપાસ દુકાનના કલેકશન પેટે આશરે રૂ. 1.25 લાખની રકમ આવી હતી. જે દુકાનમાં ટેબલની નીચે એક કાળા કલરના થેલામાં રાખ્યા હતા. જે કાળા થેલામાં એસ.બી.આઇ. બેંકની પાસબુક, નાગરીક બેંકની પાસબુક, એસ.બી.આઈ., આઈસીઆઈસીઆઈ, કોટક, તથા નાગરીક બેંકના હતા. ઉપરાંત ક્રેડિટકાર્ડ, આધારકાર્ડ, પાનકાર્ડ જેવા જરૂરી ડોક્યુમેન્ટ પણ હતા.

રાત્રીના નવ વાગ્યા આસપાસ વેપારી દુકાન ખુલ્લી રાખી લઘુશંકા કરવા માટે ગયા હતાં. પરત આવતા દુકાનમાંથી પૈસા ભરેલો કાળા રંગનો થેલો મળી આવ્યો ન હતો. જેથી આજુબાજુ તપાસ કરતા થેલો કયાંક મળી આવ્યો ન હતો. જે અંગે વેપારીએ ગાંધીગ્રામ પોલીસ મથકમાં રૂ. 1.25 લાખની રોકડ ભરેલા થેલાની ચોરી થયા અંગે ફરિયાદ નોંધાવી હતી. ગાંધીગ્રામ પોલીસે ગુનો નોંધી સીસીટીવી ફૂટેજના આધારે બનાવનો ભેદ ઉકેલવા તપાસ હાથ ધરી છે