ગુજરાત રાજ્યના પોલીસ વિભાગમાં ફરજ બજાવતા અને ઉત્કૃષ્ટ કામગીરી કરનારા પોલીસ અધિકારી- કર્મચારીઓ ને પ્રોત્સાહિત કરવા માટે અલંકરણ સમારોહ યોજાયો હતો. જેમાં જામનગરની લોકલ ક્રાઈમ બ્રાન્ચ ની ટીમના બે પોલીસ કર્મચારીઓનો પણ સમાવેશ થાય છે, અને તે બંનેનું એવોર્ડ એનાયત કરીને સન્માન કરવામાં આવ્યું હતું.

જામનગરની એલસીબીમાં ફરજ બજાવતા સંજયસિંહ વાળા, તેમજ નિર્મળસિંહ જાડેજાને વર્ષ ૨૦૨૩ ની ઉત્કૃષ્ટ અને સરાહનીય કામગીરી કરવા બદલ ડીજીપી વિકાસ સહાય દ્વારા ડીજીપી કોમન્ડેશન ડિસ્ક -૨૦૨૩ અર્પણ કરી સન્માનિત કરાયા હતા. જે બંને પોલીસ કર્મચારીઓને જામનગરના પોલીસ બેડામાંથી અભિનંદનની વર્ષા થઈ રહી છે.