ભાવનગરના સવાઈનગર ગામે પિતા તેમજ નાના ભાઈ સાથે ઝઘડો કરી, વારસાઈ જમીનમાં ભાગ માંગ્યો હતો અને બંન્ને સાથે બોલાચાલી કરી આવેશમાં આવી નાનાભાઈને ધારિયાનો ઘા ઝીંકી હત્યા કરી ફરાર થતાં પોલીસે તારાપુરથી ઝડપી લીધો હતો.
ભાવનગરના  સવાઈનગરમાં રહેતા ખેડુત બટુકભાઈ તળશીભાઈ પરમાર અને તેનો પુત્ર ચંદુભાઈ બટુકભાઈ પરમાર ઘરે હતા ત્યારે બટુકભાઈનો મોટો પુત્ર મુકેશ તેના ઘરે આવી ચાલીસ વીઘા વારસાઇ જમીનમાં ભાંગ માંગ્યો હતો અને આ બંન્ને પિતા-પુત્ર સાથે બોલાચાલી કરી હતી. બોલાચાલી બાદ આરોપી મુકેશે  આવેશમાં આવી તેના જ નાનાભાઈ ચંદુભાઈને માથાના ભાગે ધારીયું ઝીંકી દેતા નાનો ભાઈ ત્યાં જ ઢળી પડયો હતો જેમાં નાનાભાઈનું મોત નિપજતા બનાવ હત્યામાં પલટાયો હતો અને પિતાને પણ ગંભીર મારમારી ફરાર થયો હતો.  દરમ્યાન આરોપી મુકેશ  ફોન સ્વિચ ઓફ કરી ફરાર થઇ જતાં વેળાવદર ભાલ પોલીસ તેમજ એલ.સી.બી. સહિતનો પોલીસ સ્ટાફે આરોપીની શોધખોળ શરૂ કરી હતી અને આખરે બનાવના બે દિવસ બાદ ભાવનગર પોલીસે તારાપુર ચોકડી નજીકથી મુકેશ બટુકભાઇ પરમારને ઝડપી લઈ આગળની કાર્યવાહી હાથ ધરી હતી.