ઉપલેટા શહેરના જુદા જુદા વિસ્તારમાંથી ગુમ થયેલા 11 મહિલાઓને શોધી પરિવારજનો સાથે મિલાપ કરાવતા લાગણી સભર દ્રશ્યો સર્જાયા હતા.

રાજકોટ રેન્જ આઇજી અશોકકુમાર યાદવ, એસ.પી. હિમકરસિંહ અને ડીવાયએસપી સિમરન ભારદ્વાજ તાબાના પોલીસ સ્ટેશનના અધિકારી-કર્મચારીઓને પ્રજા સાથે સોહાર્દપૂર્ણ વર્તન કરી મદદરૂપ થવા અને પોલીસ સ્ટેશન ખાતે મદદ માટે આવતા લોકોને શક્ય મદદ કરી પોલીસ પ્રજાનો મિત્ર છે એ સૂત્રને સાર્થક કરવા સૂચના આપવામાં આવેલી હોય જે અન્વયે ઉપલેટા પોલીસ સ્ટેશન વિસ્તારમાંથી ગુમ થનારને શોધી કાઢવા પીઆઈ બી.આર.પટેલના માર્ગદર્શન હેઠળ પોલીસ સ્ટેશનની અલગ અલગ ટીમ બનાવી ગુમ થયેલા 11 ગુમશુદા મહિલાઓને શોધી કાઢતા પરિવારે પોલીસ ટીમનો આભાર માન્યો હતો.