પોરબંદરના  ધ્રુવાળા નજીક હાથબત્તીના અજવાળે જુગાર રમતા પાંચ ઇસમો ઝડપાયા છે.
કુતિયાણા પોલીસમથકના પોલીસ હેડકોન્સ્ટેબલ યશપાલસિંહવાળાએ એવી ફરિયાદ નોંધાવી છે કે ગત રાત્રે તેઓ અને પોલીસસ્ટાફના માણસો પેટ્રોલીંગમાં હતા ત્યારે તેમને એવી માહિતી મળી હતી કે ધ્રુવાળા ગામથી ધણસેર ગામ જતા રસ્તે બાવળની કાટમાં કેટલાક ઇસમો ગંજીપત્તા વડે જુગાર રમી રહ્યા છે તેથી પોલીસે તાત્કાલિક ત્યાં જઇને રેડ પાડતા હાથબત્તીના અજવાળે ગોળકુંડાળુ વળીને  પાંચ જેટલા ઇસમો જુગાર રમતા હતા જેમાં ધ્રુવાળાના વિઠ્ઠલ દેવાભાઇ ડાભી નામના ૬૫ વર્ષના વૃધ્ધ ઉપરાંત દિલીપ મેઘાભાઇ ડાભી, વિક્રમ કાનાભાઇ ચૌહાણ, હેલાબેલી ગામના રમેશ બધાભાઇ રાઠોડ અને જામજોધપુરના તરસાઇ ગામના હમીર દિલીપ મકવાણાની પોલીસે ધરપકડ કરી હતી અને ૧૨,૭૩૦ની રોકડ કબ્જે કરી હતી.