ભાવનગર શહેરના આંબાચોક વિસ્તારના વેપારી અગ્રણીય રફીકભાઈ સોડાવાળા દ્વારા તા. ૨૨-૮-૨૦૨૪ને ગુરૂવારે આર્થિક રીતે નબળા અને ગરીબ વર્ગના લોકોને પોતાના ધંધા રોજગાર માટે લારી વિતરણ કરવામાં આવે છે જેના ભાગરૂપે  ભાવનગર શહેરના સંજયભાઈ ગૌસ્વામી સુભાષનગર, ભાવનગર; અને ગીતાબેન પરમાર વરતેજ, જી.ભાવનગરને લારી અર્પણ કરવાનો કાર્યક્રમ યોજાયો હતો.
જેમાં શહેરના પુર્વનગરસેવક કાળુભાઈ બેલીમ, મુસ્લીમ સમાજના આગેવાન એમ.આઈ.સોલંકી સહિતના ઉપસ્થિત રહ્યા હતા અને આગેવાનોએ કોમી-એક્તા અને ભાઈચારાને બિરદાવ્યુ હતુ. રફીકભાઇ સોડાવાળાએ એક હિન્દુ ભાઇ અને એક હિન્દુ બહેનને લારી અર્પણ કરી હતી અને તમામનો આભાર વ્યક્ત કર્યો હતો.